Իսակովի պողոտայում գտնվող «Դոմուս» խանութի պահեստային հատվածում բռնկված հրդեհի մարման աշխատանքներին աջակցելու նպատակով Երևանի քաղաքապետ Տիգրան Ավինյանի հանձնարարությամբ համայնքային ենթակայության շուրջ մեկ տասնյակ ջրցան մեքենաներ են հատկացվել:
Այս մասին տեղեկացնում են Երևանի քաղաքապետարանից՝ նշելով, որ ջրցանների թիվն ըստ անհրաժեշտության կավելանա։
Ինչպես ավելի վաղ հայտնել էինք, ժամը 12:57-ին Երևան քաղաքի Իսակովի պողոտայում գտնվող «Դոմուս» հիպերմարկետի պահեստային տարածքում խոշոր հրդեհ էր բռնկվել:
Հրդեհի հետևանքով տուժածների մասին այս պահին տեղեկություններ չկան:
ՆԳ նախարարի մամուլի քարտուղար Նարեկ Սարգսյանի խոսքով՝ այրվում է 2500-3000 քմ տարածք, այրվում են շինանյութ, կահույք, տեխնիկա:
Հրդեհի հետևանքով տուժածների մասին այս պահին տեղեկություններ չկան:
«Հրդեհի պատճառները միայն քննությունից հետո պարզ կլինեն. այս պահին հայտնի չեն: Այս պահի դրությամբ այրվում է 2500-3000 քմ տարածք, այրվում են շինանյութ, կահույք, տեխնիկա: Ինչ վերաբերում է պայթյունին, այս պահին նման հաստատված տեղեկություն չկա: Կարող եմ ասել, որ, նախնական տվյալներով, հրդեհը սկսվել է պահեստային հատվածից, ինչը տարածվել է նաև խանութի տարածք»,- ասել է Սարգսյանը՝ հավելելով, որ փրկարար ծառայողներն աշխատանքներ են տանում հիպերմարկետի անվտանգության ծառայության հետ։
Նրա խոսքով՝ այս պահի դրությամբ բոլոր աշխատակիցները դուրս են եկել:
Բաց մի թողեք
Տեսանյութեր ԱԺ-ից, ինչպես են հղի կնոջը հրում, ինչպես հակառակորդն հարվածելու փոխարեն խփում են յուրայինի ՔՊ-ականի դեմքին
ԱԺ-ում իրավիճակը կրկին լարվեց․ Արթուր Սարգսյանը դուրս եկավ նիստերի դահլիճից․ Տեսանյութ
Ապամոնտաժվել է 4 ինքնակամ կառուցված շինություն․ Ավինյան. Տեսանյութ