Հոկտեմբերի 30-ին արտակարգ դեպք է տեղի ունեցել Կոտայքի մարզում։
Ժամը 23։50-ի սահմաններում ՀՀ ներքին գործերի նախարարության ոստիկանության Չարենցավանի բաժնում օպերատիվ տեղեկություններ են ստացվել, որ 4-րդ թաղամասի «VTB-ի խաչմերուկ» կոչվող տարածքում, խախտելով հասարակական կարգը և հասարակության նկատմամբ անհարգալից վերաբերմունք ցուցաբերելով, Կոտայքի մարզի բնակիչներ 21-ամյա Էդգար Ս․-ն, 25-ամյա Հենրիկ Ս․-ն, 22-ամյա Արսեն Խ․-ն, 24-ամյա Հովսեփ Հ․-ն, 26-ամյա Սևակ Կ․-ն և 22-ամյա Մայիս Ա․-ն վիճաբանել են Կոտայքի մարզի բնակիչներ 28-ամյա Էդուարդ Մ․-ի, 29-ամյա Խորեն Ե․-ի, 29-ամյա Արայիկ Ս․-ի 20-ամյա Դավիթ Ք․-ի, 27-ամյա Աշոտ Մ․-ի, 29-ամյա Ավետիս Մ․-ի, 28-ամյա Կարեն Ս․-ի, 35-ամյա Դավիթ Ս․-ի 30-ամյա Գևորգ Ա․-ի, 29-ամյա Հենրիկ Ա․-ի, 23-ամյա Սամվել Ա․-ի և 20-ամյա Վահե Խ․-ի հետ, որի ընթացքում փոխադարձ հայհոյանքներ և հարվածներ են հասցրել միմյանց։
Ինչպես հայտնում է ֆոտոլրագրող Գագիկ Շամշյանը, այդ ամենի արդյունքում Վահե Խ․-ն «ԳՈՒՎ, պոլիտրավմա հարցականով» ախտորոշմամբ դիմել է «Սուրբ Գրիգոր Լուսավորիչ» բժշկական կենտրոն, իսկ Մայիս Ա․-ն «աջ ազդրոսկրի փակ կոտրվածք տեղաշարժով, վերհոնքային շրջանի սալջարդ ձախից» ախտորոշմամբ դիմել է «Չարենցավան» բժշկական կենտրոն:
Գ․ Շամշյանի տեղեկություններով՝ ոստիկանության Չարենցավանի բաժնում տեղեկություններ են ստացվել, որ հիշյալ դեպքին մասնակից են եղել նաև Կոտայքի մարզի բնակիչներ 29-ամյա Ռոբերտ Խ․-ն, 23-ամյա Հայկ Գ․-ն, 27-ամյա Արտյոմ Ս․-ն, 37-ամյա Վահե Մ․-ն, 20-ամյա Գոռ Մ․-ն, 23-ամյա Նարեկ Ս․-ն, 29-ամյա Վիգեն Լ․-ն և 23-ամյա Ալեքսանդր Խ․-ն:
Ֆոտոլրագրողի տեղեկություններով՝ հոկտեմբերի 31-ին Ռոբերտ Խ․-ն, Կարեն Ս․-ն և Հենրիկ Ա․-ն ձերբակալվել են և տեղափոխվել ոստիկանության Չարենցավանի բաժին։
Բաց մի թողեք
Մուղնիի Սուրբ Գևորգ եկեղեցու հոգևոր հովիվ Տեր Գարեգին Արսենյանը կալանավորվեց. Զոհրաբյան․ Լուսանկար
Կալանքի են ներկայացրել նաև Արագածոտնի թեմի դիվանապետին ու հաշվապահին․ Մանրամասներ
Մկրտիչ Սրբազանի գործով ներգրավված է 54 քննիչ. Նա ևս կալանավորվեց