Ֆրանսիայի Ալֆորվիլ քաղաքի փոխքաղաքապետ, մեր հայրենակից և ՀՅԴ անդամ Գարո Խաչիկյանի հետ օրն անցկացրինք Տավուշի մարզում։ Այդ մասին ֆեյսբուքյան էջում գրել է «Հայաստան» խմբակցության պատգամավոր Գառնիկ Դանիելյանը․
«Կիրանցում հանդիպումն անցավ ջերմ և անմիջական մթնոլորտում։ Լսեցինք բնակիչների մտահոգությունները, որոնք հիմնականում կապված էին անվտանգության, սահմանազատման և սահմանագծումից հետո առաջացած խնդիրների հետ։
Կիրանցեցիները նշեցին, որ իրենց համար շատ ողջունելի են նման գործիչների հետ հանդիպումները։
Գարո Խաչիկյանն, իր հերթին, խոստացավ, որ իր լիազորությունների և կարողությունների սահմաններում ամեն ինչ կանի, որպեսզի բարձրաձայնված հարցերը հասնեն ավելի բարձր ատյաններ և լուծում ստանան։
Անչափ կարևորելով այսպիսի այցերը՝ շարունակելու ենք ամրապնդել Սփյուռքի մեր ազդեցիկ հայրենակիցների հետ կապը՝ վերականգնելով նաև Հայաստան-Սփյուռք հարաբերությունները»,- գրել է նա։
Բաց մի թողեք
Ավտովթար՝ Երևանում․ կա տուժած. Լուսանկար
Մեկ զոհ․ Արմավիրում բախվել են ջերմաքարշ գնացքն ու «BMW»-ն. վերջինը բռնկվել է և վերածվել մոխրակույտի․ Լուսանկար
Վարդան Օսկանյանի հանդեպ վարչական տույժ կիրառելու որոշում է կայացվել