Կա հարուցված վարույթ․ պատգամավորները՝ Աղազարյանի և Զեյնալյանի՝ մանդատները վայր դնելու լուրերի մասին

ՔՊ կուսակցության վարչությունում հարուցված կարգապահական վարույթ կա, որը դեռ ծագել էր խորհրդարանական լսումներից հետո»:

Այս մասին խորհրդարանական ճեպազրույցների ժամանակ ասաց «Քաղաքացիական պայմանագիր» խմբակցության ղեկավար Հայկ Կոնջորյանը՝ անդրադառնալով խմբակցության պատգամավորներ Հովիկ Աղազարյանի և Նարեկ Զեյնալյանի՝ պատգամավորական մանդատները վայր դնելու մասին լուրերին:

Վահագն Ալեքսանյանն էլ նկատեց՝ այդ վարույթը պիտի քննարկվի, և քննարկման արդյունքում արդեն հետևանքների և որոշումների մասին պատշաճ կերպով կծանուցվի. «Կա հարուցված կարգապահական վարույթ, որը, բնականաբար, կունենա հետևանքներ: Կարգապահական վարույթի հարուցումն ինքնին նշանակում է, որ կա այդ վարույթը հարուցելու համար առնվազն բավարար հիմք, իսկ թե ինչ հետևանքներ կլինեն, դրա մասին արդեն լրացուցիչ կծանոթանաք: Այն, որ պաշտոնանկությունների մասին դուք գիշերն եք իմացել ու գրել, դա չի նշանակում, որ այդ գործընթացները տեղի են ունեցել գիշերը:Այն, որ դուք պաշտոնանկությունների մասին իմացել եք, տեղեկացել ու գրել եք գիշերը, դա չի նշանակում, որ այդ գործընթացները տեղի են ունեցել գիշերը: Վարչապետի ելույթը տեղի է ունեցել ուրբաթ օրը Կառավարության նիստում: Ելույթն ենթադրում էր, որ պետք է ունենա հետևանքներ»։

Խմբակցության ղեկավար Հայկ Կոնջորյանն էլ նկատեց՝ իրական դժգոհություններն վերաբերվում են դատաիրավական համակարգում ընթացող գործընթացների հետ․ «Պաշտոնանկություններն ուղիղ կերպով վերաբերվում են վարչապետի խոսքին և դժգոհություններին, մասնավորապես, եթե խոսում ենք ՀՀ-ում դատաիրավական համակարգի առջև ծառացած խնդիրներին, դրանց լուծման տեմպի, դրանց արդյունավետության վերաբերյալ: Վարչապետն ասել է, որ այս տարիների ընթացքում բազմաթիվ ռեֆորմներ ենք արել: Եվ մենք շատ անգամներ խոսել ենք հենց ՀՀ-ում հանցավորության վիճակի հետ կապված»։