Բեռլինում տեղի է ունեցել լայնածավալ հակապատերազմական երթ, որը կազմակերպել են ռուս ընդդիմադիրներ Իլյա Յաշինը, Յուլիա Նավալնայան և Վլադիմիր Կարա-Մուրզան։
Ցուցարարները պահանջել են անհապաղ դուրս բերել ռուսական զորքերը Ուկրաինայի տարածքից, դատել Վլադիմիր Պուտինին՝ որպես ռազմական հանցագործի և ազատ արձակել Ռուսաստանում գտնվող բոլոր քաղբանտարկյալներին։
Բեռլինի կենտրոնում՝ Հենրիետա Հերց այգում անցկացված հանրահավաքին եկել է մոտ երկու հազար մարդ։ Շարասյունը շարժվել է դեպի ՌԴ դեսպանատուն՝ վանկարկելով «Ռուսաստանն առանց Պուտինի» և «Ոչ պատերազմին» կարգախոսները։ Երթը գլխավորել են Յուլիա Նավալնայան, Իլյա Յաշինը և Վլադիմիր Կարա-Մուրզան։
Կազմակերպիչներն ընդգծել են, որ այժմ անհնար է օրինական բողոքի ակցիաներ անցկացնել Ռուսաստանի ներսում։ «Բայց մենք դեռ կարող ենք ցույց տալ, որ գոյություն ունի խաղաղ, ազատ և քաղաքակիրթ Ռուսաստան։ Մենք կանք, չենք լռում և գործում ենք միասին»,- գրել է Յաշինը սոցցանցերում։
Ընդդիմադիրները պատերազմի և Վլադիմիր Պուտինի ռեժիմի բոլոր հակառակորդներին կոչ են արել միանալ Բեռլինի երթին։
Բաց մի թողեք
Զախարովային զանգահարել և խնդրել են չմեկնաբանել բալիստիկ հրթիռների հարվածը. Լուսանկար
Դոնալդ Թրամփի վարչակազմը «թշնամական քայլ է արել» Թուրքիայի հանդեպ
Ազգությամբ թուրք առաջին պաշտոնյան ԱՄՆ կառավարության կազմում. ով է Մեհմեթ Օզը. Լուսանկար