«Դժվար է ապրել գյուղում ու չսիրել հողագործությունը»,-ասում է Ռազմիկ Ֆահրադյանը:
Ծնվել է Արմավիրի մարզի Տանձուտ գյուղում, ապրում և արարում է հայրենի բնակավայրում: Քառօրյա ու 44-օրյա պատերազմների մասնակից է, վերջինից վիրավորումով է տուն եկել:
Տեղեկանալով «Իմ Քայլը» հիմնադրամի «Պատերազմի մասնակիցների մասնգիտական ներուժի բացահայտում» ծրագրի մասին՝ որոշել է դիմել: Ճամբար, մասնագիտական կարողությունների զարգացում, բիզնես պլանավորում ու կառավարում․ անցնելով բոլոր դասընթացները՝ Ռազմիկը մշակել է իր բիզնես պլանը՝ ջերմոցի հիմնում:
«Իմ Քայլը» հիմնադրամի տրամադրած դրամաշնորհով գնել է անհրաժեշտ բոլոր պարագաները և իր վաղեմի ցանկությունն իրագործել: Առանց աջակցության ջերմոց չէր կարող հիմնել՝ անկեղծանում է Ռազմիկը: Հիմա արդեն անհրաժեշտ բոլոր պայմանները կան ամբողջ տարի պտուղ-բանջարեղեն աճեցնելու և բիզնեսն ընդլայնելու համար:
Ռազմիկը ծրագրի նոր մասնակիցներին կոչ է անում հավատալ ու վստահել, ճանապարհի կեսից հետ չկանգնել: Իր ընկերների ու իր օրինակով վստահեցնում է՝ պետք է մարտահրավերներին ընդառաջ գնալ ու հաղթահարել դրանք, քանի որ միայն այդպես է հնարավոր հաջողել:
Բաց մի թողեք
Հաճելի անակնկալ՝ հայկական հյութեր և կոմպոտներ Իսրայելի սուպերմարկետում. Լապշին
Տուրիզմի Հայկական Ֆեդերացիան 20 տարեկան է, մեծ տոն, հրաշալի միջոցառում էին կազմակերպել. Լուսանկարներ
Եվրոն ու դոլարը թանկացել են. դեկտեմբերի 22-ի ներկայացված տարադրամի փոխարժեքներն են