ԱԺ ՔՊ խմբակցության պատգամավոր Հայկ Սարգսյանի և Տավուշի մարզպետ Հայկ Ղալումյանի միջև վիճաբանության, քաշքշուկի տեղեկությունները չափազանցված են: Այս մասին հայտնել է նույն խմբակցության պատգամավոր Ալխաս Ղազարյանը:
«Լուրը չափազանցված է: Տարբեր հարցերի շուրջ քննարկումներ լինում են, բնականաբար, կարող են լինել կարծիքներ, որ չհամընկնեն, բայց քաշքշուկ, բռունցքներ ու նման բաներ իսկապես չեն եղել ո՛չ նիստում, ո՛չ դրսում»,- ասել է Ղազարյանը: Նրա խոսքով՝ գուցե նիստից հետո դրսում զրույցը նման տպավորություն է թողել, բայց եղել է ընդամենը զրույց, քննարկում:
«Միջադեպ չի եղել, տասնյակ մարդիկ են ներկա եղել քննարկման ժամանակ, հանդիպումից հետո գուցե երկու գործընկեր խոսել են, բայց որևէ քաշքշուկի ես ականատես չեմ եղել, մասնավորապես՝ Հայկ Ղալումյանի և Հայկ Սարգսյանի միջև։ Քաշքշուկին մոտիկ բան էլ չի եղել, գուցե խոսակցություն է եղել, մարդիկ այլ տպավորություն են ստացել»,- մեկնաբանելով ասել է Սիմիդյանը:
Նախարարի խոսքով՝ այդ թեմայով քննարկում է եղել ոչ միայն երեկ՝ հունվարի 9-ին, այլ նաև դեկտեմբերին․ «Երեկվա քննարկումը շարունակությունն է եղել։ Կուսակցությունում քննարկվել է անտառահատումների խնդիրը, որևէ արտառոց բան չկա»։
Մինչդեռ մամուլի հրապարակումների համաձայն՝ ՔՊ փակ նախաձեռնող խմբի նիստը թեժ ընթացք է ունեցել և ավարտվել է քաշքշուկով։ Հրապարակումների համաձայն՝ վիճաբանությունը ՔՊ խմբակցության պատգամավոր Հայկ Սարգսյանն ու Տավուշի մարզպետ Հայկ Ղալումյանի միջև է եղել: Պատճառը Տավուշում տիրող բնապահպանական վիճակն է, ապօրինի հսկայածավալ ծառահատումները, ինչի մասին ՔՊ վերջին նիստերին խոսել է Հայկ Սարգսյանը:
Բաց մի թողեք
Սա արդեն քաղաքականություն չէ – սա հոգևոր պատերազմ է․ Ծաղրանկար
Իրավապահ մարմինները չպետք է թույլ տան, որ պետականությունը քայքայող գործողություններով ՔՊ կուսակցությունն իրենց վերածի իր շահերի պաշտպանության գործիքի. Թաթոյան
Հայաստանի և Ադրբեջանի միջև արդեն խաղաղություն է` հարաբերությունները ռազմական բախումից տեղափոխել է վեճի․ Հաջիև