Հունվարի 5-ին հափշտակության դեպք է տեղի ունեցել Երևանում։
Ժամը 14։30-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Շենգավիթի բաժին է դիմել Երևանի բնակիչ 28-ամյա Անի Մ․-ն և հայտնել, որ հունվարի 4-ին ժամը 17։00-ի սահմաններում «Ինստագրամ» կայքով մուտք է գործել «moneygram.am-bls.icu» հավելված, լրացրել է իր «Իդրամ» հավելվածի գաղտնաբառը։
Ինչպես հայտնում է ֆոտոլրագրող Գագիկ Շամշյանը, այդ ամենից հետո՝ հունվարի 5-ին՝ ժամը 04։28-ից մինչև ժամը 06։20-ն ընկած ժամանակահատվածում, Անի Մ․-ն նկատել է, որ իր «Իդրամ» դրամապանակից «Մարիամ Գևորգյան» անվամբ օգտատիրոջ հաշվեհամարներին փոխանցվել է 2 մլն 979 հազար 170 դրամ:
Դեպքի փաստով ոստիկանության Շենգավիթի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Շենգավիթի քննչական բաժին։
Բաց մի թողեք
Աղջիկների վեճ՝ Բրյուսովի համալսարանում. ծեծկռտուքի բոլոր մասնակիցները ձերբակալվել են․ ՆԳՆ
Տեր Վազգեն Հովհաննիսյանի բնակարանի անձեռնմխելիության իրավունքի խախտում է տեղի ունեցել․ Լուսանկար
ՔԿ-ն հաստատեց՝ Արշակ Սրբազանի մասնակցությամբ տեսագրությունն իր հետ առնչություն չունի