13/02/2025

Գրենլանդիայի բնակիչների ճնշող մեծամասնությունը դեմ է արտահայտվել կղզու՝ ԱՄՆ-ին միանալուն

Գրենլանդիայի բնակիչների ճնշող մեծամասնությունը (85%) դեմ է արտահայտվել կղզու՝ ԱՄՆ-ին միանալուն։ 

Այս մասին են վկայում Verian գործակալության կողմից՝ դանիական Berlingske թերթի եւ Sermitsiaq հրատարակության պահանջով անցկացված հարցման արդյունքները։

Հարցման արդյունքների համաձայն՝ միայն 6%-ն է կողմ, որ դանիական տիրապետության տակ գտնվող կղզին միանա ԱՄՆ-ին։ Միաժամանակ հարցվածների 9%-ը դժվարացել է պատասխանել։

Հարցմանը մասնակցել է 18 տարեկանից բարձր 497 մարդ։ Սխալի աստիճանը նշված չէ։

Հիշեցնենք, որ ԱՄՆ նախագահ Դոնալդ Թրամփը հայտարարել է Գրենլանդիան ԱՄՆ-ի կազմում ներառելու մտադրության մասին, ինչը լուրջ դիսկուրս է բացել Դանիայի և Վաշինգտոնի միջև: