Փետրվարի 5-ին Հակակոռուպցիոն կոմիտեն ձերբակալեց թվով 8 անձի, որոնցից 4-ը Երեւանի քաղաապետարանի աշխատակիցներ, մյուսները՝ քաղաքացիներ, որոնք եղել են նախկին պաշտոնյաներ։
Ձերբակալվածներից են Երևանի Քաղաքաշինության և հողի վերահսկողության վարչության նախկին պետ Ռոբերտ Դարբինյանը, քաղաքապետարանի աշխատակազմի քաղաքաշինության և հողի վերահսկողության վարչության տարածքային 2-րդ բաժնի պետ Միքայել Ղիմոյանը, հողի վերահսկողության վարչության պետի տեղակալ Արամ Այվազյանը և քաղաքապետարանի հասարակական կարգի ծառայության պետ Արամ Գյուլզադյանը։ Նախկին եւ ներկա պաշտոնյաների նկատմամբ խափանման միջոց է ընտրվել կալանավորումը։
Պաշտոնյաները մեղադրյալի կարգավիճակ ունեն Հակակոռուպցիոն կոմիտեում քննվող կոռուպցիոն բնույթի քրեական գործի շրջանակում։ Ըստ լուրերի՝ նրանք որպես կաշառք խոշոր չափի գումար են վերցրել։
Նշենք, որ սա մի քանի ամսում 3-րդ դեպքն է, երբ քաղաքապետարանի աշխատողները թաթախվում է կոռուպցիոն բնույթի գործի մեջ։
Ամիսներ առաջ՝ նոյեմբերին Կենտրոն վարչական շրջանի աշխատակիցներ էին կալանավորվել՝ կաշառք տալու եւ ստանալու մեղադրանքով, ավելի վաղ էլ իրավապահ մարմինները գործողություններ էին իրականացրել նաև Առևտրի և սպասարկումների բաժնում. 4 անձ ձերբակալվել էր, երեքը, որ պաշտոնյաներ էին, ավելի ուշ կալանավորվել էին։
Բաց մի թողեք
Արտակարգ դեպք՝ Սպիտակում, քաղաքացին ոստիկաններին հայտնել է, որ քաղաքապետը ջրի հետ կապված պարզաբանման ժամանակ ոտքով հարվածել է. Լուսանկար
ՀՊՄՀ ռեկտորը ԲՈՒՀ-ի համար կողմնակի եկամուտ ստանալու նպատակով 50 միլիոն դրամի ավանդ է ներդրել բանկում
Վիճաբանություն Բյուրեղավանում. ձերբակալվել է 4 անձ, այդ թվում՝ համայնքապետի տեղակալը և ավագանու անդամ․ Լուսանկար