Մետրոպոլիտենի «Բարեկամություն» կայարանում երիտասարդի մոտ ատրճանակ ու դանակ է հայտնաբերվել

Համայնքային ոստիկանության Մետրոպոլիտենի պահպանության բաժնի ծառայողները փետրվարի 12-ի երեկոյան, ուժեղացված ծառայության ընթացքում, ապօրինի զենք պահելու և կրելու կասկածանքով «Բարեկամություն» կայարանի նախասրահում ձերբակալել և բաժին են տեղափոխել Էջմիածին քաղաքի բնակիչ 21-ամյա երիտասարդին։

ՆԳՆ ոստիկանության հաղորդագրության համաձայն՝ անձնական խուզարկությամբ նրա մոտ հայտնաբերվել է 3 փամփուշտով լիցքավորված գազային ատրճանակ և գաղտնի փականով դանակ:

Կազմված փաստաթղթերը ներկայացվել են նախաքննական մարմին։