Մարտի 13-ին՝ ժամը 20:18-ին, Շիրակի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Մարալիկ քաղաքում տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Երևան-Գյումրի ավտոճանապարհի 89-րդ կմ-ին բախվել են «ZIL» մակնիշի բեռնատարը և «Hyundai» մակնիշի ավտոմեքենան․վերջինիս վարորդը մահացել է:
Փրկարարները հոսանքազրկել են ավտոմեքենաները, փակել «ZIL» մակնիշի բեռնատարի գազի բալոնի փականը և «Hyundai» մակնիշի ավտոմեքենայի վարորդի դին մոտեցրել շտապօգնության ավտոմեքենային:
Քննիչները զննություն կատարելու ժամանակ «Hyundai» ավտոմեքենայի սրահում հայտնաբերել են խոշոր չափի գումար, մի քանի ճամպրուկներ էլ, որտեղ նույնպես եղել է մեծ քանակի գումար՝ տարբեր երկրների արտարժույթներով, հայտնաբերվել է բեռնախցիկում։
Բաց մի թողեք
Առաջիկա օրերին Երևանում ու մարզերում սպասվում են տեղումներ, քամու ուժգնացում
Գերմանիան ու Ֆրանսիան կոչ են անում ստորագրել խաղաղության պայմանագիրը
Թիվ 15 ավտոբուսը վրաերթի է ենթարկել հետիոտնին. բժիշկներն արձանագրել են վերջինի մահը