ԱՄՆ-ն անհրաժեշտության դեպքում պատրաստ կլինի ռազմական ուժ կիրառել Իրանի դեմ։
Այս մասին Սպիտակ տանը լրագրողների հետ զրույցի ժամանակ հայտարարել է ԱՄՆ նախագահ Դոնալդ Թրամփը։
«Եթե անհրաժեշտ լինի, անպայման։ Այո»,- ասել է նա՝ ի պատասխան համապատասխան հարցի։
Նա նաեւ խոսել է Օմանում շաբաթ օրը տեղի ունենալիք ամերիկա-իրանական խորհրդակցությունների մասին։ Թրամփը ասել է, որ այդ խորհրդակցություններով մեկնարկում է բավականին երկարատեւ գործընթաց։ «Մենք քիչ ժամանակ ունենք։ Քիչ ժամանակ, քանի որ թույլ չենք տա նրանց ունենալ միջուկային զենք»,- ասել է ԱՄՆ նախագահը։ «Ես շատ բան չեմ պահանջում։ Պարզապես նրանք չպետք է ունենան միջուկային զենք»,- ասել է Դոնալդ Թրամփը։
Միացյալ Նահանգներն ունի ամենահզոր զենքն աշխարհում, որի մասին նույնիսկ փոքրագույն պատեկարցում չունեն աշխարհում։ Այս մասին հայտարարել է ԱՄՆ նախագահ Դոնալդ Թրամփը։ «Մենք ունենք զենք, որի մասին ոչ ոք չունի նույնիսկ նվազագույն պատկերացում։ Դա աշխարհի ամենահզոր զենք է, որն ունենք։ Այն երբեւէ եղած ամենահզոր զենքն է»,- ասել է նախագահ Թրամփը, սակայն, չի մանրամասնել, թե ինչ զենքի մասին է խոսում։
Բաց մի թողեք
Պետական դավաճանություն, հանցավոր ճանապարհով ձեռք բերված գույք. Բաքվի դատարանը հրապարակել է Ռամիզ Մեհտիևի վճիռը. Լուսանկար
«Ես պետք է քեզ ստիպեմ թողնել ծխելը»․ Էրդողանը՝ Իտալիայի վարչապետուհուն․ Լուսանկար
Չեխիայի ապագա ԱԳՆ Տուրեկը հրապարակել է ռասիստական, քսենոֆոբ և սեքսիստական բնույթի գրառումներ