ԱԺ-ում իրավիճակը կտրուկ լարվել է․ լեզվակռիվ է նախ սկսվել ԱԺ նախագահ Ալեն Սիմոնյանի և ընդդիմադիր պատգամավորների միջև, որն այնուհետև վերածվեց քաշքշուկի։
Նիստը վարող ԱԺ նախագահ Ալեն Սիմոնյանի եւ «Հայաստան» խմբակցության դաշնակցական անդամների միջեւ լեզվակռիվ սկսվեց: Ալեն Սիմոնյանն ասաց. «Դե դուք ձեր մեջ ներքին վեճ ունեք, դաշնակցականներով»:
Երբ տեղից փորձեցին հակադարձել, ԱԺ նախագահն ասաց, որ իրավունք չունեն խոսելու. «Չեք կարող, տեղից անընդհատ խոսում եք: Նստեք, դու էլ նստած մնա, մանկապարտեզ չի, հանգիստ: Դու-ով խոսա, երիտասարդ, լսո՞ւմ ես, ինչ ձեւ խոսում է, նույն ձեւ ստանում է պատասխանը: Մնացեք օրենքով սահմանված չափերի մեջ»,-ասաց Ալեն Սիմոնյանը:
Դահլիճում իրավիճակը լարվեց, իրար սկսեցին հրմշտել ՔՊ-ից Վահե Ղալումյանն ու «Հայաստան» խմբակցության պատգամավորները: Մյուսները եւս միջամտեցին, շատերը փորձում էին բաժանել «աքլորացած» պատգամավորներին:
Ալեն Սիմոնյանի հրահանգով ուղիղ եթեր անջատվեց եւ հայտարարվեց 20 րոպե ընդմիջում:
ՔՊ պատգամավոր Վլադիմիր Վարդանյանն անդրադարձել է ԱԺ-ում տեղի ունեցած միջադեպին։ Նա հերքել է այն խոսակցությունները, թե դեպքը տեղի է ունեցել Ցեղասպանության հերքման մասին ընդդիմության կողմից նախագիծ ներկայացնելու պատճառով․ «Պետք է հստակ ասել՝ լարումը տեղի է ունեցել առնչություն չունեցող դեպքի հետ, պարզապես ռեպլիկ է հնչել դահլիճից»։
Վերջինս հիշեցրել է՝ Ցեղասպանության հերքումը բավականին երկար ժամանակ է, ինչ քրեականցված է ՀՀ քրեական օրենսգրքով։
Բաց մի թողեք
«Հակարիի կամրջի մոտ ադրբեջանցիներն ուզում են առաջանալ, հայ սահմանապահները չեն թողնում․ կրակոցներ չկան, միայն լեզվակռիվ է»․ Կոռնիձորի վարչական ղեկավար
Գերմանիայի արևելքում ընտրատեղամասերի բացման հետ մեկտեղ ծայրահեղ աջակողմյան AfD-ն առաջատար դիրք է գրավում
Ալեն Սիմոնյանն ու Անելիա Գուբրյանը պսակադրող քահանան ևս միացել է Ամենայն հայոց կաթողիկոս Գարեգին Բ-ին հեռացնելու արշավին