Խորհրդային եւ ուկրաինական էստրադայի երգչուհի, ծագումով մոլդովացի Սոֆյա Ռոտարուն հինգ տարի շարունակ կատարած անհաջող փորձերից հետո, վերջապես կարողացել է վաճառել Մոսկվայում գտնվող իր բնակարանը։
Համաձայն ռուսական մամուլում տեղ գտած հրապարակման, երեք սենյականոց բնակարանը գտնվում էր 15 հարկանի շենքի երրորդ հարկում։ Շենքն ունի երկու վերելակ, ստորգետնյա ավտոկայանատեղի։ Բնակարանը գտնվում է Մոսկվայի Պրեսենսկու շրջանում։ Լուսամուտներից երեւում է Մոսկվայի կենդանաբանական այգին։ Բնակարանը Ռոտարուին նվիրել է Մոսկվայի նախկին քաղաքապետ Յուրի Լուժկովը։
Բնակարանը վաճառվել է 70 միլիոն ռուբլուց իջեցնելով 65 միլիոն ռուբլու։ Բնակարանը հաջողվել է վաճառել այն բանից հետո, երբ վերաձեւակերպվել է որդու՝ Ռուսլան Եվդոկիմենկոյի անունով։ Ռոտարուն փորձել է վաճառել նաեւ Ղրիմում գտնվող հյուրանոցը, թեեւ վերջինիս համար պահանջել է անադեկվատ գին՝ 2,5 միլիարդ ռուբլի։ Երեք հարկանի առանձնատունը գտնվում է Լենինի անվան մերձափնյա շրջանում՝ Սեւ ծովի ափին։ Հյուրանոցում ժամանակին ապրել են Ռոտարուի հայտնի ընկերները՝ Բորիս Մոիսեեւը, Իլյա Ռեզնիկը եւ այլք։
Բաց մի թողեք
ԱՄՆ-ը շարունակելու է զենք ուղարկել Ուկրաինա ՆԱՏՕ-ի միջոցով․ Թրամփ
Մերժվել է Ուրսուլա ֆոն դեր Լայենին անվստահություն հայտնելու նախագիծը
Ալիևը հրաժարվել է հանդիպում անցկացնել Ռուսաստանի նախագահի անձնական ներկայացուցչի հետ