Կրեմլը դարձել է Բաքվի աչքի գրողը՝ հիշել են Շուշին ու Իսկանդերը

Ադրբեջանական մասմեդիայում հակառուսական տրամադրությունները նորից ահագնացել են:

Ինչպես նշում են այս երկրի ԶԼՄ-ները. այսինքն՝ ինչպես ակնհայտ զրպարտում են՝ սուլթանական ռեժիմին հարիր ոճով, թե Ռուսաստանի մեդիա տարածքում իբր շարունակվում է Ադրբեջանի դեմ արշավը՝ այս անգամ «Պլանի Զապադա» / Արևմուտքի ծրագրերը/ YouTube ալիքում 16 րոպեանոց տեսանյութի տեսքով:

Դրանում, ադրբեջանական ԶԼՄ-ների ներկայացմամբ, դատապարտել են Ադրբեջանի նախագահ Իլհամ Ալիևի՝ մայիսի 9-ին Մոսկվա չմեկնելու որոշումը և մեղադրել Բաքվին անշնորհակալության մեջ՝ սկսած խփված ինքնաթիռի միջադեպի մասին հիշատակումից մինչև Արցախի օկուպացիայի օրերին ռուս խաղաղապահների մահը։

Այս ամենը, շարունակում են զառանցել հարևան երկրի մասմեդիայի ներկայացուցիչները, ուղեկցվում է իբր կեղծ լուսանկարներով և ավարտվում ադրբեջանական սփյուռքի վրա ճնշում գործադրելու կոչերով։

Սակայն Բաքուն ունի իր սեփական ճշմարտությունը. գրում է Մինվալ-ը. «Ռուսաստանը զինեց Հայաստանին, «Իսկանդեր-Մ» հրթիռները հարվածեցին Շուշիին, իսկ ռուսական ՀՕՊ-ը խոցեց ադրբեջանական ինքնաթիռ։ Ի պատասխան ճնշման և նվաստացման փորձերի՝ Ադրբեջանը հիշեցնում է, որ այլևս ուրիշի կամքի օբյեկտ չէ, այլ՝ սուբյեկտ է»։