Դեպք է եղել, որ ինձ վիրավորել են, դրանից հետո այդ մարդու քիթը կոտրվել է․ Սիմոնյան

Ազգային ժողովի նախագահ Ալեն Սիմոնյանն անդրադարձել է այն խոսակցություններին, թե արդյոք ինքը մինչ անվտանգության աշխատակիցներ ունենալն էլ համարձակ է եղել ու արձագանքել է բոլորին։

«Նույնիսկ դեպք է եղել, որ ինձ վիրավորել են, դրանից հետո այդ մարդու քիթն է կոտրվել, ես դա արել եմ, մինչ անվտանգության աշխատակից ունենալը»,- ԱԺ-ում լրագրողների հետ զրույցում ասել է նա։

Հարցին՝ երբ անվտանգության աշխատող չունենա՝ դուրս կգա՞ փողոց՝ ԱԺ նախագահն արձագանքել է. «Իա՜, իհարկե, ինչո՞ւ պետք է դուրս չգամ»։

Սիմոնյանն ընդգծել է՝ այո՛, ունի ու ունեալու է անվտանգության աշխատողներ, որովհետև օրենքով է դա հասնում․ «Բայց երբ չունենամ, մարդիկ, ովքեր հոխորտում են, ավելի շատ բան ունեն անհանգստանալու, քան՝ ես»։