Թրամփը հեռախոսազրույց է ունեցել ՌԴ նախագահ Վլադիմիր Պուտինի հետ

Թրամփը հեռախոսազրույց է ունեցել ՌԴ նախագահ Վլադիմիր Պուտինի հետ։

Նա հույս է հայտնել, որ հեռախոսազրույցը առաջընթաց կբերի Ուկրաինայում պատերազմի հրադադարի հաստատման հարցում։

Հեռախոսազրույցը տեղի է ունեցել այսօր՝ մայիսի 19-ին, այն նախատեսված էր Երևանի ժամանակով 18:00-ին։

Ավելի վաղ հայտնել էինք, որ ՌԴ նախագահ Վլադիմիր Պուտինի հետ հեռախոսազրույցից առաջ ԱՄՆ նախագահ Դոնալդ Թրամփը հեռախոսազրույց է ունեցել Վլադիմիր Զելենսկիի հետ։

Նախօրեին Թրամփը, ազդարարելով իր ռուս գործընկերոջ հետ հեռախոսազանգի մասին, նախատեսվող թեմաներից մեկը նշել էր Ուկրաինայի հակամարտության կարգավորումն ու առևտրային հարցերը։ Միաժամանակ Կրեմլի պաշտոնական ներկայացուցիչ Դմիտրի Պեսկովը պարզաբանել է, որ զրույցը տեղի կունենա՝ հաշվի առնելով Ստամբուլում բանակցությունների արդյունքները։