«Ֆրանսիան շարունակում է մնալ Լեռնային Ղարաբաղից տեղահանվածների, ինչպես նաև Հայաստանի կողքին, Գորիսում հյուպատոսություն ենք բացելու»:
Այս մասին Երևանում ՀՀ ԱԳ նախարար Արարատ Միրզոյանի հետ համատեղ ասուլիսի ընթացքում ասել է Ֆրանսիայի ԱԳ նախարար Ժան-Նոել Բարոն։
«Հարկ եմ համարում նաև ընդգծել մեր համագործակցությունը պաշտպանական ոլորտում՝ թե՛ մասնագետների վերապատրաստումների, թե՛ սպառազինությունների տրամադրման հարցում։ Այս ամենի նպատակն է Հայաստանին հնարավորություն տալ ապահովելու երկրի պաշտպանությունն ու սուվերենությունը»,- նշել է նա:
«Հայաստանի և Ֆրանսիայի հարաբերությունները երբևէ այսքան ինտենսիվ և վստահելի չեն եղել»,- հավելել է նախարարը:
«Երբ ինքնաթիռով իջնում էինք, Արարատի հայացքի ներքո մտածում էի, որ ժամանակն է, սիրելի՛ Արարատ, պատասխանել Ձեր հրավերին և այցելել Երևան։
Մեծ ուրախությամբ եմ ես այստեղ գտնվում, սա իմ առաջին այցն է»:
Այս մասին Երևանում ՀՀ արտգործնախարար Արարատ Միրզոյանի հետ համատեղ մամուլի ասուլիսի ժամանակ իր խոսքը սկսելիս ասել է պաշտոնական այցով Հայաստանում գտնվող Ֆրանսիայի արտաքին գործերի նախարար Ժան-Նոել Բարոն:
«Ես եկել եմ Հայաստան՝ ևս մեկ անգամ նշելու Ֆրանսիայի աջակցությունը խաղաղության համաձայնագրին, որը դժվարին բանակցությունների միջոցով, ի վերջո, հասել է համաձայնության։
Ինչպես իմ գործընկեր Մարկո Ռուբիոն է ասել, ժամանակն է այն ստորագրելու և վավերացնելու։ Ահա թե ինչ են սպասում Ֆրանսիան, Միացյալ Նահանգները և Եվրոպան»,- նշել է ֆրանսիացի նախարարը։
Բաց մի թողեք
Չեմ մտածում՝ Հայաստանում էդքան «շուն ու շանգյալ» ընտրող կա ․․․
Հեղինակը, հուսանք, զերծ կմնա կեղծ թեզերի տարածումից, հանրային գրառմամբ կհերքի իր թյուրիմացությունը․ ԱԳՆ
Մենք հրավիրում ենք Թուրքիային դառնալու գործընկեր. Ալեն Սիմոնյանի ելույթը Թուրքիայում