Խորհրդարանը մերժեց ԱԺ «Պատիվ ունեմ» խմբակցության հեղինակած հայտարարության նախագիծը, որից հետո ելույթով հանդես եկավ Եվրոպական ինտեգրման հարցերի մշտական հանձնաժողովի նախագահ Արման Եղոյանը, որն իր խոսքում ընդգծեց՝ ֆաշիզմի և նացիզմի դեմ տարած հաղթանակն անուրանալի է և մարդկության պատմության մեծագույն իրադարձություններից է, սակայն հարց ունի նախագծի հեղինակներին:
«Պարո՛ն Աբրահամյան (-խմբ․ նկատի ունի «Պատիվ ունեմ» խմբակցության քարտուղար Տիգրան Աբրահամյանին), սովետական պատմագրությունը Հայրենական մեծ պատերազմ է կոչում Երկրորդ համաշխարհային պատերազմի սկսվելուց 1 տարի 10 ամիս անց սկսված մի պատերազմ, որը ընդհանուր Երկրորդ համաշխարհայինի պատերազմներից մեկն էր, մասնավորապես Սովետական Միության և Գերմանիայի միջև մղվող:
Սովետական պատմագրությունը այն իր տեսանկյունից անվանում է Հայրենական մեծ պատերազմ:
Ինչպե՞ս եք դուք գնահատում մինչև այդ պատերազմի սկսվելը, Երկրորդ համաշխարհային պատերազմի սկսվելուց հետո և մինչև այդ պատերազմի սկսվելը՝ Սովետական Միության և Նացիստական Գերմանիայի միջև համագործակցությունը, մասնավորապես այդ համագործակցության շրջանակում Սովետական Միության կողմից եվրոպական 6 պետությունների վրա հարձակումը, մասնավորապես՝ Ֆինլանդիայի, Էստոնիայի, Լատվիայի, Լիտվայի, Լեհաստանի և Ռումինիայի:
Բոլոր այս դեպքերում Սովետական Միությունը իր տեսանկյունից ունեցել է որոշակի հաջողություն, որոշակի տարածքներ է վերցրել Ֆինլանդիայից, ամբողջությամբ օկուպացրել է Էստոնիան, Լատվիան, Լիտվան, այն ժամանակվա Լեհաստանի կեսը, Ռումինիայի մի մեծ հատվածը, որ այսօր Մոլդովայի Հանրապետությունն է:
Ինչպե՞ս այդ գործողությունները անվանենք, ինչպե՞ս դրանց վերաբերվենք: Ճի՞շտ է արել, սխա՞լ է արել: Ի՞նչ կասեք»,- ասաց պատգամավորը:
Ի պատասխան՝ Տիգրան Աբրահամյանը նշեց՝ տարբեր աշխարհաքաղաքական կենտրոնների համար մշտապես թեժ քննարկման առարկա եղող թեմայի մեջ ներգրավվածություն ունենալու նպատակահարմարություն չի տեսնում:
Բաց մի թողեք
Վաղուց ժամանակն է, որ քպ-ական պատգամավորները անդամակցեն Ադրբեջանի պատվիրակություններին․ Թանդիլյան
Փաշինյանն ամեն ինչ անում է, որ մենք պատրաստ չլինենք պատերազմին
Սրբազան շարժման մասնակիցները պլանավորել էին փողոցային ոչ բռնի պայքար․ Խուդոյան