Մանրամասներ երեկվա ձերբակալություններից, հետաքրքիր է

Մայիսի 27-ին կաշառք տալու և ստանալու դեպքերի առթիվ Հակակոռուպցիոն կոմիտեում քննվող քրեական վարույթի շրջանակներում Կոմիտեն գործողություններ է իրականացրել Երևանի քաղաքապետարանում, Հակակոռուպցիոն կոմիտեն երեկվանից ձերբակալվածների վերաբերյալ ինֆորմացիա չի տրամադրում, թեպետ տեղեկություններ կային, որ 2 անձ է ձերբակալվել։ 

Իրապավահ համակարգի աղբյուրները հայտնում են՝ երեկվա ձերբակալվածները քաղաքապետարանի նախկին աշխատակիցներ են, նրանցից մեկը՝ Ղափլանյան Գեւորգն է, որն աշխատել է Երեւանի քաղաքապետարանի Քաղաքաշինության եւ հողի վերահսկողության վարչությունում, նրան ձերբակալել են տանից։

Նա նշված վարչությունում եղել է տեսուչ, 23-ից 25 միլիոն դրամ կաշառք է վերցրել Հավանա ռեստորանի սեփականատեր Աշոտ Բաղդասարյանից, որի ռեստորանն այժմ վերաանվանվել է «Պարկ Բրիջ»: Գեւորգ Ղափլանյանը կալանավորվել է, իսկ Աշոտ Բաղդասարյանի նկատմամբ ազատության հետ առնչվող խափանման միջոց է ընտրվել։

Նկատենք, որ վերջին շրջանում քաղաքապետարանում ձերբակալությունները սովորական են դարձել, վերջին ամսում գրեթե ամեն շաբաթ կաշառք տալու-ստանալու համար քաղաքապետարանի նախկին եւ ներկա աշխատակիցներ են ձերբակալվում։