Անհայտ անձինք Մոսկվայի երկաթուղային կայարանում առևանգել են մի հայ տղամարդու․ ո՞րն է պատճառը․ Լուսանկար

Անհայտ անձինք Մոսկվայի Յարոսլավսկի երկաթուղային կայարանում առևանգել են մի հայ տղամարդու, գրել է 112 տելեգրամյան ալիքը։

Կայարան է մոտեցել սև Mercedes մակնիշի AMR համարանիշներով մեքենա, որից մի քանի տղամարդ դուրս են եկել, բռնել 40-ամյա Արեգ Շչեպիխինին և անհայտ ուղղությամբ տարել։

Ականատեսները փորձել են զանգահարել ոստիկանություն, բայց երբ նրանք հասել են, արտասահմանյան մեքենան արդեն անհետացել է։

Նախնական տվյալներով՝ առևանգողներին դուր չեն եկել Արեգի մուսուլմանների մասին արված արտահայտությունները։ Առևանգումից կարճ ժամանակ առաջ Շչեպիխինը մեկ այլ տեսանյութ է տեղադրել առցանց։ Իր տեսանյութերում տղամարդը ատելություն է հրահրել չեչենների և դաղստանցիների նկատմամբ։

Արեգի մայրը 112-ին ասել է, որ տեսել է որդու կողմից առցանց տեղադրված տեսանյութերը և անհանգստացած է նրա անվտանգության համար։ Կինը չգիտի, թե որտեղ է որդին։

Նախորդ գիշեր Մոսկվայի կենտրոնում տղամարդու առևանգած վեց անձինք ազատ են արձակվել ոստիկանական բաժանմունքից՝ «հանգամանքների պարզաբանումից» հետո, գրում է Shot-ը։

Հրապարակման համաձայն, ձերբակալվածներից երեքը ոստիկանությանը հայտնել են, որ իրենք Ռուսաստանի Ազգային գվարդիայի ակտիվ անդամներ են։ Տղամարդիկ լքել են ոստիկանական բաժանմունքը և ժպտացել, երբ լրագրողները հարցրել են, թե ինչու են տղամարդուն առևանգել։ Նրանք նստել են Mercedes մակնիշի մեքենա, որը հաճախ օգտագործվում է անվտանգության ուժերի կողմից, և հեռացել են ոստիկանների ուղեկցությամբ։

Նրանք փորձել էին փախչել նույն մեքենայով նախորդ օրը՝ 39-ամյա գործարար Արեգ Սամվելի Շչեպիխինի հետ, որին առևանգել էին Յարոսլավսկի երկաթուղային կայարանում:

Ըստ պնդումների, այդ նույն Mercedes-ը հաճախ ուղեկցել է Սայդահմեդ Էլդարբիևի մեքենան, որին նախկինում լրատվամիջոցներում անվանել էին Չեչնիայի ղեկավար Ռամզան Կադիրովի մտերիմ անձ և նույնիսկ նրա օգնական: Հայտնի չէ, թե որտեղ է այժմ գտնվում Շչեպիխինը: Նրան որոնում են Կենտրոնական դաշնային շրջանի տրանսպորտի վարչության աշխատակիցները։

«Օստրոգոնո Նովոստի»-ի տվյալներով՝ Շչեպիխինը, որը նախկինում կրում էր Օգանեսյան ազգանունը, ապրել է Խիմկիում և իրեն անվանել է գործարար, Ռուսաստանի հերոս և թոփ մենեջեր: Ի թիվս այլ բաների, նա մասնակցել է «Ռուսաստանը՝ հնարավորությունների երկիր» մրցույթին, որտեղ ներկայացրել է մարդկանց համար նոր կերպարներ ստեղծելու հայտ, ինչպես նաև հիմնադրել է «Նոր ռուսական աշխարհ» կուսակցությունը՝ երիտասարդներին փող աշխատել սովորեցնելու համար: Բացի այդ, նա գրել է «Աստծո սեքսը» գիրքը և իրեն համարել է Ռուսաստանի «արքայական ընտանիքի» ներկայացուցիչ։

Հիշեցնենք, մի խումբ տղամարդիկ Մոսկվայի կենտրոնում գտնվող Յարոսլավսկի երկաթուղային կայարանում բռնի ուժով առևանգել են մի տղամարդու՝ ոմն Արեգի, ով, ենթադրաբար, ազգությամբ հայ է: Ականատեսների տեսանյութերը հրապարակվել են Telegram ալիքներով։

Տեսանյութում մի քանի մարդ տղամարդուն քարշ են տալիս կայարանի շենքով, ապա նրան խցկում են Կոմսոմոլսկայա հրապարակում գտնվող թարթող լույսով Mercedes-ի բեռնախցիկի մեջ։ Տղամարդը օգնություն է կանչել, բայց ոչ ոք նրան չի օգնել։ Ականատեսների վկայությամբ՝ առևանգողները զինված են եղել։

Ըստ վարկածներից մեկի՝ առևանգման պատճառն այն է, որ հայազգի գործարարը հաճախ է չեչեններին և մահմեդականներին վիրավորող տեսանյութեր հրապարակել: