Նիկոլ Փաշինյանն Իրանի նախագահին շնորհավորել է առաջիկա Ղուրբան Բայրամի տոների կապակցությամբ: Ըստ հաղորդագրության, քննարկվել են հայ-իրանական հարաբերությանն ու ռեգիոնալ իրավիճակին առնչվող հարցեր:
Հիշեցնեմ, որ Իրանի նախագահը նախօրեին հեռախոսազրույցներ էր ունեցել Ադրբեջանի և Թուրքիայի նախագահների հետ, Թուրքիայի նախագահի հետ հեռախոսազրույց էր ունեցել նաև Նիկոլ Փաշինյանը:
Իհարկե, այդ հեռախոսազրույցների վերաբերյալ մեդիափորձագիտական դիտարկումների առանցքում է Էրդողանի հայտարարությունը, որ Իրանից ակնկալում է աջակցություն «զանգեզուրյան միջանցքին»:
Թեհրանը բարձրաձայն չի արձագանքել այդ հայտարարությանը, բայց կասկած չկա, որ թե Ալիևի, թե Էրդողանի հետ քննարկումներում Փեզեշքիանը խոսել է այդ մասին, և թերևս իր խոսակցության վերաբերյալ որոշակի իրազեկումներ փոխանցել նաև Նիկոլ Փաշինյանին:
Էրդողանի հայտարարությունը այդուհանդերձ առաջա՞րկ էր Իրանին, որևէ բովանդակության շուրջ պայմանավորվելու համատեքստում, թե՞ բոլոր դեպքերում այն ավելի շատ շանտաժ էր:
Փաշինյան-Փեզեշքիան հեռախոսազրույցից հետո Թեհրանը բարձրաձայն դիրքորոշում կարտահայտի՞ այն «ակնկալիքների» կապակցությամբ, որ արել է Թուրքիայի նախագահ Էրդողանը Լաչինում կայացած Ադրբեջան-Պակիստան-Թուրքիա գագաթնաժողովից վերադարձի ճանապարհին:
Թեև հնարավոր է, որ Թեհրանն առավել արդյունավետ համարի լուռ դիվանագիտությամբ հակազդելը, քան հրապարակային հակադրության և հետևաբար «նստվածքի» տեղիք տալը:
Բաց մի թողեք
Ինչ է կատարվում հայ – վրացական հարաբերություններում՝ բացասական է
Իլհամ Ալիևը Եվրամիությանը փաստացի առաջարկում է նոր բանակցություններ սկսել
Կովկասի հարցում հնարավոր է ապավինել լարվածության ռիսկի արդյունավետ ու «կայուն կառավարմանը»