Վեհափառ Հայրապետ Գարեգին Բ-ն մեկնել է Արաբական Միացյալ Էմիրություններ:
Մայր Աթոռից հայտնել են, որ նա հանդիպում կունենա Կալկաթայի Սուրբ Նազարեթ Եկեղեցու և Հայոց Մարդասիրական ճեմարանի հոգաբարձուների հետ ճեմարանի գործունեությանն ու համայնքային կյանքին առնչվող հարցերի շուրջ:
Ավելի վաղ վարչապետ Նիկոլ Փաշինյանը կրկնել է պնդումը, որ Գարեգին Բ-ն խախտել է իր իսկ կողմից կամավորությամբ ստանձնած կուսակրոնության ուխտը և զավակ ունի։ Ըստ նրա՝ սա փաստ է, և եթե Գարեգին Բ-ն փորձի հերքել, անհրաժեշտ ձևաչափով դա կապացուցեմ։
Վարչապետը նկատել է՝ համաձայն Հայ առաքելական եկեղեցու Կանոնագրքի՝ Գարեգին Բ-ն չէր կարող լինել եպիսկոպոս, արքեպիսկոպոս, չէր կարող ընտրվել և չի կարող լինել կաթողիկոս. Կտրիճ Ներսիսյանը պետք է ազատի Վեհարանը։
«Որպես Հայ առաքելական եկեղեցու հավատավոր հետևորդ, որպես մարդ, որ խանդաղատանքով է վերաբերվում մեր հոգևոր ժառանգության ամեն արժեքի, ամեն մասունքի, ամեն պատկերի ու քարի, արձանագրում եմ. Հայաստանյայց առաքելական սուրբ եկեղեցին պետք է ունենա նորընտիր կաթողիկոս, ում բարեվարքությունը կաթողիկոսական ընտրություններից առաջ ստուգված և հաստատված կլինի։
Հայաստանյայց առաքելական սուրբ եկեղեցու հավատավոր հետևորդներին կոչ եմ անում համախմբվել վեհարանը սիրով և քրիստոնեաբար ազատելու և որևէ իրապես սրբազան հոգևորականի Ամենայն հայոց կաթողիկոս ընտրելու օրակարգի շուրջ»:
Բաց մի թողեք
Եկեղեցու հավատավոր հետևորդներին կոչ եմ անում համախմբվել վեհարանը քրիստոնեաբար ազատելու շուրջ. Փաշինյան
Փաշինյանի ավտոշարասյունը վթարի չի ենթարկվել, վթարվել է պարեկային ծառայության մեքենան. ՆԳՆ
Հողամասեր, բնակարան, աշխատավարձ և վարկ. ի՞նչ ունեցվածք են հայտարարագրել Սուրեն Պապիկյանն ու նրա կինը