Ուկրաինան և Ռուսաստանը հինգշաբթի օրը իրականացրել են ռազմագերիների փոխանակում, ինչպես հայտնել են երկու երկրների պաշտոնյաները։ Սա վերջին հերթական փոխանակումն է՝ Ստամբուլում ձեռք բերված համաձայնության շրջանակում։
Ուկրաինայի նախագահ Վլադիմիր Զելենսկին հրապարակել է ազատ արձակված ուկրաինացի զինծառայողների լուսանկարները՝ ծածկված ազգային դրոշով և ժպիտով՝ նշելով, որ նրանց մեծ մասը գերի էր ընկել դեռևս 2022 թվականի փետրվարի ներխուժման առաջին ամիսներից։
Ուկրաինայի ռազմագերիների համակարգող խորհրդի փոխանցմամբ՝ փոխանակված գերիները կամ հիվանդ են եղել, կամ վիրավորված։ Ռուսաստանի պաշտպանության նախարարությունն էլ հայտնել է, որ ազատ արձակված ռուս զինվորները նույնպես կուղարկվեն բուժման և վերականգնման։
Ո՛չ Կիևը, ո՛չ Մոսկվան չեն հայտնել փոխանակված գերիների ճշգրիտ թիվը։
Նախապատմություն․ Ռազմագերիների փոխանակումը կողմերի միջև գրեթե միակ հաջող գործնական փոխգործակցություն է։ Չնայած խաղաղ բանակցությունների փորձերը շարունակաբար հայտնվում են փակուղում, կողմերը երբեմն կարողանում են համաձայնության գալ գերիների կամ զոհվածների մարմինների փոխանակման հարցում՝ առանց առաջընթացի հասնելու պատերազմի դադարեցման կամ քաղաքական կարգավորման ուղղությամբ։
Բաց մի թողեք
Իրանի ԱԳ նախարարի դեմ մաhափորձ է Թեհրանում խափանվել
Իսրայելը 60 ինքնաթիռով հարվածներ է հասցրել Իրանի տասնյակ ռազմական օբյեկտների
Իրանը միջուկային ռումբ չէր պատրաստում, երբ Իսրայելը սկսեց հարձակումները, բայց տարրեր կային. Գրոսսի