Աշխարհահռչակ դաշնակահարուհի, բազմաթիվ հեղինակավոր մրցանակների, այդ թվում 3 Գրեմմի արժանացած Մարթա Արգերիխը Կապան միջազգային երաժշտական փառատոնի՝ Kapan Fest-ի շրջանակում կայցելի Հայաստան:
Այս մասին Aravot.am-ը տեղեկացավ փառատոնի կազմակերպիչներից: Հայաստանի պետական սիմֆոնիկ նվագախմբից էլ հաստատեցին, որ Մարթա Արգերիխը Kapan Fest-ի շրջանակում Կապանում համերգով հանդես կգա Հայաստանի պետական սիմֆոնիկ նվագախմբի ընկերակցությամբ (գեղարվեստական ղեկավար եւ գլխավոր դիրիժոր Սերգեյ Սմբատյան):
Արդեն երրորդ անգամ անցկացվող Kapan Fest-ն այս տարի կկայանա հուլիսի 4-15-ը, այն տաղանդավոր երիտասարդներին հնարավորություն է ընձեռում աշխատել հայտնի երաժիշտների հետ, ձեռք բերել արժեքավոր փորձառություն։
Այս տարի միջազգային փառատոնին մասնակցում են շնորհալի երիտասարդներ ոչ միայն Հայաստանից, այլեւ Պորտուգալիայից, Սլովակիայից, Ռուսաստանից, Դանիայից:
Փառատոնն անցկացվում է ԿԳՄՍ նախարարության, Կապանի քաղաքապետարանի, Զանգեզուրի պղնձամոլիբդենային կոմբինատի եւ այլ գործընկերների աջակցությամբ:
Բաց մի թողեք
Թուրքական ֆիլմը՝ Օսկարի «Լավագույն արտասահմանյան ֆիլմ» անվանակարգում. Լուսանկար
«Կարմիր գծերից» անդին, կամ տոն արարելու վարպետաց դասը․ Լիլիթ Եփրեմյան․ Լուսանկարներ
Ավստրիացի ամենահայտնի նկարիչ Գուստավ Կլիմտը, ում գործերի մեծ մասն աչքի է ընկնում ակնհայտ էրոտիզմով․ Նրա ծննդյան օրն է․ Լուսանկարներ