Բուհերում ուսանողների թիվը նվազել է․ այս մասին ԱԺ-ում խորհրդարանական լսումների ընթացքում հայտարարել է ԿԳՄՍ նախարար Ժաննա Անդրեասյանը՝ ներկայացնելով թվային մի փոքր վիճակագրություն․
«Եթե 2011-ին ուսանողների ընդհանուր թիվը Հայաստանում եղել է 102 հազարից ավելի, ապա 2021-ին արդեն 73 հազար էր կամ շուրջ 1/3-ով պակաս: Ուսանողական համակազմի այս կրճատումը չի ուղեկցվել բուհական համակարգի կառուցվածքային փոփոխությամբ:
Հայաստանի 38 բուհում սովորում է 2 հազարից քիչ ուսանող, այդ թվում՝ 8 պետական բուհում, ինչը նշանակում է, որ բուհերը գործում են անընդհատ ֆինանսական անբավարարության պայմաններում՝ ի վիճակի չլինելով ապահովել ակադեմիական կազմի պատշաճ վարձատրությունը, կրթական ենթակառուցվածքների պահպանությունը եւ զարգացումը»։
ԿԳՄՍ նախարարը նշել է, որ բուհերի խոշորացման գործընթացն արդեն տեւական ժամանակ իրականացվում է բազմաթիվ երկրներում: Ըստ էության, փորձելով այսկերպ արդարացնել բուհերի միավորման եւ ակադեմիական քաղաք տեղափոխելու ծրագիրը։
Ըստ Անդրեասյանի՝ բուհերի ֆինանսավորման համակարգում առկա են լրջագույն խնդիրներ: Նրա դիտարկմամբ՝ չի կարող բարձրագույն կրթությունը զարգանալ, եթե չի գործում ֆինանսավորման արդյունավետ համակարգ:
«Բուհերը ստանալու են հնարավորություն՝ ունենալու առանձին ֆինանսավորում ինստիտուցիոնալ կառուցվածքների համար, նորարարությունն ու մրցունակությունը խթանելու համար: Միաժամանակ ներդրվում է ուսանողների կրթաթոշակային համակարգ, որը հնարավորություն է տալու պատշաճ առաջադիմության դեպքում ապահովել նրանց կրթության անընդհատությունը պետության աջակցությամբ»:
Բաց մի թողեք
Փնթիներ․ «Թույլ օղակ» ինտելեկտուալ նախագծի 27-րդ թողարկման մասնակիցը մանրամսներ է հայտնել․ Լուսանկար
Ինչ վնաս է հասցրել 12-օրյա պատերազմը Իրանի գիտական ներուժին
«Բլոկչեյն և Web3 տեխնոլոգիաներ» մասնագիտությամբ բակալավրի որակավորում տրամադրող աշխարհում միակ կրթական ծրագիրն աննախադեպ դիմորդներ ունի. Լուսանկարներ