Ավետիք Հարությունյանի ֆեյսբուքյան գրառումը․
«Այսօր առավոտյան Նիկոլ Փաշինյանը իր էջում հայտարարեց հետևյալը.
«Հիսուս Քրիստոսի տունը, Միածնի իջման վայրը, զավթված է հակաքրիստոս, շնաբարո, ապազգային, ապապետական խմբակի կողմից և պետք է ազատագրվի։
Ես առաջնորդելու եմ այդ ազատագրումը»։
Սակայն հենց այսպիսի բառերով և այսպիսի ոգով է Աստվածաշունչը նկարագրում Նեռին՝ Հակաքրիստոսին։
Նա չի գալիս որպես հանցագործ կամ բացահայտ սատանայական դեմք։ Նա ներկայանում է իբրև արդարության, ազնվության և ազգային արժեքների պաշտպան։ Նա խոսում է «ազատագրման», «սրբազան պայքարի», «աստվածային արդարության» անունից։ Բայց նրա նպատակը մեկն է՝
հարուցել պատերազմ Աստծու Սուրբ Եկեղեցու դեմ։
«Նա կբարձրանա ամեն բանից, որ աստված է կոչվում, եւ կնստի Աստծու տաճարում՝ ներկայացնելով իրեն իբր Աստված» (Բ Տեսաղոնիկեցիս 2.4)
«Եվ նրան իշխանություն տրվեց պատերազմելու սրբերի դեմ եւ հաղթելու նրանց» (Հայտնություն 13.7)
«Նա գործելու է նշաններ ու հրաշքներ, որպեսզի մոլորեցնի աշխարհը» (Հայտն. 13.13–14)
Նիկոլ Փաշինյանը պնդում է, թե իբր Քրիստոսի Տունը «զավթված է»։
Բայց իրականում հենց նա է, որ տարիներ շարունակ
• հալածում է հոգևորականներին,
• ծաղրում եկեղեցու խորհուրդները,
• լրացնում իր խոսքը աստվածաբանական տերմիններով՝ առանց աստվածային հոգու,
• և այժմ համարձակվում է հռչակել իրեն իբրև «ազատագրող»։
Սա Նեռի ճանապարհն է։ Սա հակաքրիստոնեական շարժում է։
Ոչ ոք իրավունք չունի ոտնահարել Եկեղեցին և դա ներկայացնել որպես «հոգևոր պատերազմ»։
Ով դուրս է գալիս Եկեղեցու դեմ՝ դուրս է գալիս Քրիստոսի դեմ։
Ով պղծում է սրբությունները՝ կանգնած է ոչ թե Աստծու, այլ հակառակորդի շարքերում։
«Եկեղեցին Քրիստոսն է հիմնադրել, և դժոխքի դռները չեն հաղթի նրան» (Մատթ. 16.18)
Մեծ մեղք է մասնակցել այսպիսի շարժման
Բոլոր նրանք, ովքեր միանում են այս քաղաքական-հոգևոր պայքարին Եկեղեցու դեմ՝
պղծում են իրենց հավատը։ Նրանք կանգնում են հակաքրիստոնեական ճակատում՝
ցանկացած բացատրության կամ արդարացման պատրվակով։
Սա արդեն քաղաքականություն չէ — սա հոգևոր պատերազմ է։
Եվ յուրաքանչյուր հայ քրիստոնյա, յուրաքանչյուր մկրտված ու հաղորդված մարդ պետք է գիտակցի՝
Եկեղեցու դեմ ելնելը մեղք է,
Եկեղեցուն պաշտպանելը՝ պարտք։
Մի խաբվեք։
Նրանք, ովքեր փորձում են Քրիստոսի անունով կործանել Նրա Սուրբ Տունը,
Նրանք, ովքեր ծաղրում են Սուրբ խորհուրդները,
Նրանք, ովքեր ձայն չեն բարձրացնում ընդդեմ այս սրբապղծության՝
կիսում են այդ մեղքի բեռը։
Թող այս խոսքերը լինեն զգուշացում բոլոր նրանց համար,
ովքեր դեռ խիղճ ունեն, հավատք ունեն, կամ՝ կասկածում են։
Ժամանակն է ընտրելու՝
Քրիստոս, թե՝ նրանք, ովքեր Նրան փոխարինում են ինքնակոչ «փրկիչներով»։
Եկեղեցին Աստծունն է։ Եվ Աստված չի լռելու»։
Բաց մի թողեք
Փորձում են տպավորություն ստեղծել, որ եկեղեցին ահաբեկչական կենտրոն է․ Չալաբյան
Ոտքի Հայ մնացած, Հայաստանը սիրող իմ հայ ժողովուրդ, թողեք բոլոր տարաձայնությունները, թողեք իրար միս ծամելը. Պողոսյան
Հայ մարդն ինչպես կարող է Սուրբ Էջմիածնի դեմ զազրախոսությունից ուրախանալ․ Պողոսյան