«ՀայաՔվե» քաղաքացիական նախաձեռնությունը hուլիսի 8-ին հաղորդում է ներկայացրել ՀՀ գլխավոր դատախազություն՝ կապված հայ առաքելական եկեղեցու նկատմամբ իրականացվող արշավի հետ։
Նախաձեռնության համակարգող Ավետիք Չալաբյանը լրագրողների հետ զրույցում նշել է, որ իրենց կողմից փաստագրվել են վերջին ամիսներին տեղի ունեցած մի շարք դեպքեր, որոնց հիման վրա կազմվել է իրավական եզրակացություն։
Ըստ Չալաբյանի՝ նախաձեռնությունն ուսումնասիրել է մի շարք հրապարակային հայտարարություններ, ելույթներ և մեկնաբանություններ, որոնք, իրենց գնահատմամբ, ստեղծում են եկեղեցու նկատմամբ բացասական ընկալումներ։ Նա պնդել է, որ այս գործողությունները կարելի է դիտարկել որպես համակարգված հարձակում՝ ուղղված հոգևոր կառույցի հեղինակության դեմ։
Նախաձեռնությունը ենթադրում է, որ այդ գործողությունները կարող են պարունակել քրեական օրենսգրքի մի շարք հոդվածների հատկանիշներ, այդ թվում՝ ատելության խոսք, կրոնական գործունեության խոչընդոտում, անձնական տվյալների հրապարակում և պաշտոնեական լիազորությունների չարաշահում. «Նիկոլ Փաշինյանն ու նրա հետ փոխկապակցված անձիք սկսել են կազմակերպված գրոհ հայ առաքելական եկեղեցու դեմ, դա արտահայտվում է տարաբնույթ ելույթներով, կոչերով ու մեկնաբանություններով, որոնք փորձում են տպավորություն ստեղծել, որ եկեղեցին ոչ թե եկեղեցի է, այլ ընդհուպ մինչև ահաբեկչական կենտրոն»:
Բաց մի թողեք
ՔՊ պատգամավորները պետք է օրը մի քանի անգամ ծափահարե՞ն․ Վարդանյան
Կճոյանի մասին ասել եք, նա դեմ էր քրիստոնեական արժեքներին, հիմա ինչ եք քննարկում
Առաջիկա օրերին պարզ կլինի, թե ինչ քայլեր կձեռնարկեն Կաթողիկոսը, Հայաստանի կառավարությունը, հոգևորականները և աշխարհասփյուռ հայությունը