«Օգոստոսի 1-ից երևանցիներն այլևս չեն կարողանա տրանսպորտի համար վճարել թղթային QR տոմսերով: Քաղաքապետարանը դարձյալ խոշոր փոփոխություն է անում տրանսպորտի վճարման համակարգում՝ վերացնում է մեկանգամյա տոմսերի թղթային տարբերակները:
«Իրավունք» թերթը գրում է. Դրա փոխարեն քաղաքացիները պիտի տրանսպորտային քարտ գնեն ու լիցքավորեն, վճարեն բջջային հավելվածով, կամ էլ բանկային քարտով:
Քաղաքային իշխանությունները հայտարարում են՝ չէին նախատեսում, որ քաղաքացիները հենց այդ 150 դրամանոց թղթե տոմսերից ավելի շատ կօգտվեն, դրանք ավելի հարմար տարբերակ կհամարեն:
Հիմա թղթե տոմսերը շրջանառությունից հանելով՝ ավագանու իշխող խմբակցության ղեկավար Արմեն Գալջյանն ասում է՝ երևանցիներին կմղեն հասկանալու, որ վճարման այլ տարբերակներն ավելի հարմար են:
Քաղաքային իշխանություններն այս նոր որոշման պատճառների թվում նշում են էկոլոգիական ու տեխնիկական խնդիրները. – «Դրանք աղբ են դառնում, էկոլոգիական առումով խնդրահարույց է, հետո հաճախ հերթեր են գոյանում տերմինալ սարքերի մոտ, երբեմն խնդիր է առաջանում դրանք տպվելու, որոշակի խնդիրներ են լինում, ու սարքերը դժվարությամբ են կարդում, որը նաև հերթ է առաջացնում արդեն ավտոբուսների մեջ»:
Համակարգը ներդնելուց առաջ հենց այս քննադատությունն էին հնչեցնում նաև ընդդիմադիրները, նշելով, որ տրանսպորտային ռեֆորմը լավ մտածված չէ և պետք է այլ լուծումներ որոնել:
«Ազգային առաջընթաց» խմբակցության քարտուղար Իզաբելլա Աբգարյանը ժամանակին հենց թղթային QR կոդերի ստեղծած բնապահպանական խնդիրների մասին էր խոսում, հիմա ասում է՝ կասկածում է, որ քաղաքային իշխանություններին հանկարծ սկսեց հետաքրքրել էկոլոգիան:
Իզաբելլա Աբգարյանն ասում է՝ ի սկզբանե տրանսպորտային ռեֆորմը վատ է պլանավորվել, ու հիմա երևում են դրա արդյունքները:
Արդյոք օգոստոսին դարձյալ ականատես կլինե՞նք այնպիսի քաոսային իրավիճակի, ինչպես 100 դրամանոց մետաղադրամները վերացնելու ժամանակ, Արմեն Գալջյանը կարծում է, որ ամեն ինչ հարթ կանցնի:
Բաց մի թողեք
Քննիչ Յուրիկ Սարգսյանը հայտարարագիրը թերի է լրացրել
Էջմիածնի նախկին քաղաքապետը հարցաքննվել է. Գասպարյանի ընտանիքի շուրջ գործընթացներ կսկսվեն
Սպառողական զամբյուղի մթերքներն ամռան շեմին կրկին թանկացել են