Հայաստանի Ֆուտբոլի ֆեդերացիայից դժգոհությունները ոչ միայն հայկական ֆուտբոլի երկրպագուների կողմից է, այլ նաեւ ներսում է դժգոհություն կուտակվել եւ լարված իրավիճակ ստեղծվել։
Մենք տեղեկացանք, որ հուլիսի 3-ին ՀՖՖ փոխնախագահ Արմեն Նիկողոսյանը հավաքել է աշխատակազմին, այդ թվում` բժիշկներին, եւ նախազգուշացրել է, որ աշխատանքից ոմանք կազատվեն, քանի որ վատ են աշխատում։
Ազատումների մասին շշուկներ արդեն մեկ ամիս է աշխատակիցները լսում են։ Բայց հիմա առավել պարզորոշ է դարձել և այսօր, ըստ լուրերի, մոտ 10-15 աշխատակցի հարցն է լուծվելու:
Ի դեպ, մեզ պատմեցին նաեւ, որ ՀՖՖ ղեկավարությունը հաճախ է խոսում աշխատակիցների թերի ու վատ աշխատանքի մասին, փորձելով տպավորություն ստեղծել, թե ՀՖՖ աշխատակազմն է թերանում, այլ ոչ թե ղեկավարությունը: Մինչդեռ հենց ղեկավարներն են հայկական ֆուտբոլի մակարդակը իջեցրել շրիշակից էլ ցածր, եւ ամեն ֆուտբոլային հանդիպում ավարտվում է մեր թիմերի պարտությամբ։ Էլ չենք ասում ՖԱՖ-ի ակցիաների, ՀՖՖ նախագահ Արմեն Մելիքբեկյանի հեռացման պահանջների մասին։
«Հրապարակը» փորձեց մեկնաբանություն վերցնել ՀՖՖ փոխնախագահ Արմեն Նիկողոսյանից, բայց նա խիստ զայրացավ, որ «համարձակվել» են «նորին գերազանցությանն» անհանգստացնել և ասաց` դիմենք մեդիա բաժնին, ՀՖՖ խոսնակն էլ 3 օր շարունակ մեր զանգերին ու նամակին չի պատասխանում:
Բաց մի թողեք
Հիվանդ մարդուն տարել են ոստիկանություն, վախեցրել, ստիպել՝ ցուցմունք տա, թե ընտրակաշառք են տվել. Տեսանյութ
«Խուլիգան, թալանչի», «լիրբ», «գողերի գերդաստան արտադրող», Քոլոյանի կինը որակումներ է տալիս արցախցիներին. Լուսանկար
«Ինչի՞ իմ տունը քանդեցիր». ողբացող մոր ձայնը խլացվեց Անաիդա Գալստյանի կողմից ու Փաշինյանի քարոզարշավի երգ ու պարի ներքո․ Տեսանյութ