Պարեկները քաշքշելով, «գետնին տապալելով», ոտաբոբիկ բերման են ենթարկել Սիսիանում․ Լուսանկար

Երեկ երեկոյան Սիսիան քաղաքում պարեկների կողմից հերթական «գետնին տապալելու» դեպքն է արձանագրվել։

Ականտեսներից մեկը մեզ  պատմեց, որ երեկ ուշ գիշերին մի քանի տղաներով բարձրաձայն վիճաբանել են, պարեկները մոտեցել են տղամարդկանցից մեկին, ձեռքերը ոլորելով, գետնին փռելով տարել բաժին, ընդ որում` տղամարդուն քաշքշելու հետեւանքով կոշիկը ոտքից դուրս է եկել, նրան ոտաբոբիկ տեղափոխել են բաժին։

Հետաքրքիր է նաեւ այն, որ վիճաբանողներից միայն մեկին են տապալելով տարել բաժին։

Ներքին գործերի նախարարությունից մեզ փոխանցեցին, որ քաղաքացին հասարակական կարգ է խախտել, բարձր հնչեցրել է հայհոյանքներ, եղել է ոչ սթափ վիճակում։