Թուրքիայի տրանսպորտի և ենթակառուցվածներքի նախարար Աբդուլքադիր Ուրալողլուն հայտարարել է, որ Թուրքիան Նախիջևանը կապող երկաթուղային ծրագրի համար 2․4 միլիարդ եվրո արտաքին ֆինանսավորում է ներգրավել:
Այն Կարս-Իգդիր-Արալըք-Դիլուջու երկաթուղային գծի հետ միասին Թուրքիայի արևելքը կկապի Ասիայի հետ:
Նախարարը նշել է, որ ֆինանսավորումն ապահովվել է գանձապետարանի և ֆինանսների նախարարության աշխատանքների արդյունքում: Ուրալողլուն գնահատել է սա որպես Թուրքիայի իրականացրած տնտեսական ծրագրի նկատմամբ միջազգային վստահության դրսևորում:
Նախարարն ավելացրել է, որ իր ղեկավարած գերատեսչությունն առաջ է շարժվելու այս ու նմանատիպ այլ ծրագրերով՝ նպատակ ունենալով ուժեղացնել Թուրքիայի լոգիստիկ հնարավորությունները:
Ըստ Ուրալողլուի՝ այս ծրագիրը մաս է կազմում Թուրքիայի ավելի լայն ռազմավարության՝ ուղղված տարածաշրջանային կապերի ամրապնդմանը:
Բաց մի թողեք
Առևտրի հարցերով Եվրախորհրդարանի պատգամավորները հավանություն են տվել ԱՄՆ-ի հետ Թուրնբերիի սակագնային համաձայնագրին. Լուսանկար
Բրյուսելը պատրաստվում է ավիաուղևորների իրավունքների շուրջ բախմանը
Բաքու – Թբիլիսի – Կարս երկաթգծի շահագործման, ռուսական շուկայում արգելված հայկական ապրանքները ԵՄ-ում վաճառելու մասին