Սոֆի Լորենի որդին՝ դիրիժոր Կառլո Պոնտի կրտսերը, ամուսնացել է վրացի Մարիամ Շարմանաշվիլիի հետ և ուղղափառություն ընդունել․ Լուսանկար

Դերասանուհի Սոֆի Լորենի որդին՝ դիրիժոր Կառլո Պոնտի կրտսերը, ամուսնացել է վրացի Մարիամ Շարմանաշվիլիի հետ, ով իրենից 20 տարով փոքր է:

Արարողության տեսանյութը Facebook-ում հրապարակել է վրացի երգչուհի Թամար Իվերին։

Տեսանյութում Շարմանաշվիլին և Պոնտի կրտսերը վրացական հագուստով քայլում են խորանով: Ըստ լրատվամիջոցների տեղեկությունների՝ աստղի որդին ուղղափառություն է ընդունել՝  հանուն իր սիրելիի:

Հարսանեկան արարողությունը տեղի է ունեցել Մցխեթայի Սամտավրո վանքում, որը ներառված է ՅՈՒՆԵՍԿՕ-ի համաշխարհային ժառանգության ցանկում: Վայրը 40 րոպեով փակ է եղել տոնակատարության համար, որին, սակայն, փեսայի 90-ամյա մայրը չի մասնակցել:

Վրացական Ambebi հրատարակությանը տված հարցազրույցում Շարմանաշվիլին ասել է, որ դերասանուհին կմասնակցի Ժնևում կայանալիք երկրորդ հարսանիքին, որը կկայանա 2025 թվականի սեպտեմբերին: