Օգոստոսի 2-ին եւ 3-ին Գյումրին դառնալու է հայկական ավանդական պարի, երգի ու անպարտելի ոգու կենտրոնը, հայտնում է «Ազգային երգ ու պարի ակադեմիա» հիմնադրամը:
«Գինոսյանական օրերը» կանցկացվեն «Հայոց լեռների ոգին» խորագրի ներքո եւ նվիրված կլինեն «Կարին» ավանդական երգի-պարի խմբի հիմնադիր, Հայաստանի մշակույթի վաստակավոր գործիչ եւ Արցախյան պատերազմի մասնակից Գագիկ Գինոսյանի շնորհիվ հանրայնացված մշակութային ժառանգության պահպանմանն ու տարածմանը։
Փառատոնի ընթացքում Գյումրիի կենտրոնական փողոցներում կանցկացվի ավանդական պարային շքերթ, բացօթյա պարուսուցում, գալա համերգ «Կարին» երգի-պարի, նվագախմբի ու նրա ճյուղ խմբերի մասնակցությամբ, ինչպես նաեւ պարագիտական պանելային քննարկում:
Փառատոնը նախատեսվում է անցկացնել Հայաստանի տարբեր քաղաքներում: Մուտքն ազատ է:
Բաց մի թողեք
Այն հեռավոր գիշերը, որ երբեք չի ավարտվում … Այսօր Վիլիամ Սարոյանի ծննդյան օրն է
Լույսերի և մուգ ծաղիկների միջև. Հայկ Մելիքյանի հանդիպումը Ալեքսանդր Սկրյաբինի երաժշտական տիեզերքի հետ
Թատրոնի տնօրենն ազատվել է աշխատանքից. Լուսանկար