Աղավնավանքը Դիլիջան համայնքի փոքր գյուղերից է, բնակեցված է 1990-ական Ադրբեջանից բռնագաղթած մեր հայրենակիցներով։
Աղավնավանքից լրագրողիս հայտնեցին, որ գյուղի վարչական ղեկավար Ալեքսանդր Հարությունյանը, որին Սաշ են կոչում, մշտապես խմած է լինում,ընկնում տհաճ իրավիճակների մեջ, օգոստոսի 1-ին Հաղարծին գյուղի մոտ գտնվող <<Ուռենի>> ռեստորանում նրան ծեծի են ենթարկել։
Աղավնավանքից հայտնեցին, որ վերջին 3 ամսում այրվել է Ալեքսանդր Հարությունյանի խոտի դեզը, նրան պատկանող <<ԿԱՄԱԶ>> և <<ԶԻԼ>> մակնիշի ավտոմեքենաները, Աղավնավանքի հարևան Խաչարձան գյուղում գտնվող Ալեքսանդր Հարությունյանի միահարկ տունը։ Սակայն տան հրդեհը շուտ են նկատել, կանխել են կրակի հետագա տարածումը։
Աղավնավանքից հայտնեցին, որ Ալեքսանդր Հարությունյանին 3 տարի առաջ վարչական ղեկավար է նշանակել Դիլիջան համայնքի ղեկավար Դավիթ Սարգսյանը, ով հովանավորում է նրան։ Զանգահարեցի Ալեքսանդր Հարությունյանին(լուսանկարում), հարցրի կատարված դեպքերի մասին։
Նա ասաց, որ ինքը ֆիզիկական կուլտուրայի բուհ է ավարտել, կարատեի սև գետի ունի,ոգելից խմիչքներ ընդհանրապես չի օգտագործում։ 33-ամյա Ա․ Հարությունյանը ժխտեց, որ <<Ուռենի >> ռեստորանում իրեն ծեծի են ենթարկել, ասաց, որ ինքը տարածքից բացակայել է։ Իր խոտի դեզի այրվելու մասին ասաց, որ խոտի 400 հակ է այրվել, հրդեհի պատճառ կարող է լինել, որ ձորում,խոտից ոչ հեռու մնացորդներն այրելու համար կրակ է եղել, կրակն այնտեղից կարող էր անցնել։
Իրեն պատկանող <<ԿԱՄԱԶ>> և <<ԶԻԼ>> ավտոմեքենաների այրվելու մեղավոր համարեց ավտոմեքենայի էլեկտրիկին, ասաց,․ որ կարճ միացում է եղել։ Ա․ Հարությունյանը չկարողացավ հայտնել,թե ինչ է եղել Խաչարձանում իր տան հրդեհի պատճառը։ Աղավնավանքի վարչական ղեկավարը հավելեց, որ ինքն անկուսակցական է:
Տարօրինակ պատմություն է, առանց հիմնավոր պատճառի կատարված, 3 ամսում Աղավնավանքի վարչական ղեկավարի հետ կապված բազում արտակարգ դեպքերն արտառոց են, այդ հրդեհները պատահակա՞ն են, թե՝ միտւմնավո՞ր։
Որ Ալեքսանդր Հարությունյանին վարչական ղեկավար նշանակած, նրա վերադաս, Դիլիջան համայնքի ՔՊ-ական, <<արու>> ղեկավար Դավիթ Սարգսյանը իր պաշտոնին՝ Դիլիջանի համայնքապետի պաշտոնին հարիր չէ, բազում անգամ փաստերով եմ գրել։
Ոսկան Սարգսյան
Բաց մի թողեք
Բեռնատարի վարորդի ինքնազգացողությունը վատացել է․ բժիշկները արձանագրել են նրա մահը
Մեծ հերթեր հայ – վրացական սահմանին՝ Բագրատաշենում․ Ինչու ․․․
Հրդեհ՝ Երևանում, էլեկտրաենթակայանում հրդեհ է բռնկվել. ժամանել է հրշեջների մի քանի մարտական հաշվարկ. Լուսանկար