ԱԺ ՔՊ խմբակցության ղեկավար Հայկ Կոնջորյանը, որը վարչապետի գլխավորած պատվիրակության կազմում մեկնել էր Վաշինգտոն ու մասնակցել Ադրբեջանի հետ խաղաղության համաձայնագրի նախաստորագրմանը, վստահ է, որ ԱՄՆ-ում տեղի ունեցածը պատմական իրադարձություն է:
Այս մասին նա կարծիք է հայտնել Հանրային հեռուստաընկերությանը տված հարցազրույցում՝ բացահայտելով վաշինգտոնյան հանդիպումների ու համաձայնության մանրամասներն ու ու հավելելով, որ համաձայնությունները Հայաստանի և տարածաշրջանի համար բացում են հիանալի շանսեր:
«Այն հիմնական օրակարգերը, որ մինչև հիմա հրապարակել ենք, քայլ առ քայլ դրանով առաջ ենք շարժվում: Այսօր հրապարակվեց տեքստը ու փաստացի տարբեր մարդիկ ասեցին, որ որևէ նոր բան ըստ էության չկար: Սա նշանակում է՝ ինչպես նախկինում ասվել է, որ ժողովրդի թիկունքում պայմանավորվածություններ չեն լինիև չեն բանակցվի թեմանր, որոնցից ժողովուրդը տեղյակ չի լինի, այդպես էլ կա: Ի դեպ, ընդդիմությունն ամեն ինչ անում էր՝ վիժեցնելու համար այդ տեքստը, բայց դա նրանց չհաջողվեց»,- նշել է Կոնջորյանը:
Նա հավելել է, որ խաղաղության համաձայնագրի նախաստորագրված տեքստի կշիռն էլ; ավելի է մեծացնում այն հանգամանքը, որ ԱՄՆ նախագհի ներկայությամբ է այն ստորագրվել և նրա մասնակցությամբ կնքվել՝ աշխարհի գերտերության մայրաքաղաքում, նախագահի նստավայրում, նախագահի մասնակցությամբ:
«Երկրորդ կարևոր փաստաթուղը հռչակագիրն էր՝ Վաշինգտոնի հռչակագիրը, որիտակ դրվեց Հայաստանի վարչապետի, Ադրբեջանի և ԱՄՆ-ի նախագահների ստորագրությունը: Այդ հռչակագրով սևով սպիտակի վրա գրվեց, որ տարածաշրջանում հաղորդակցությունները բացվում են երկրների ինքնիշխանության, տարածքային ամբողջականության, փոխադարձության և իրավազրության սկզբունքով: Սա մի բան է, ինչը մենք 5 տարի ասել ենք»,- նշեց Կոնջորյանը:
ՔՊ խմբակցության ղեկավարի խոսքով՝ կարևորագույն արձանագրում է նաև Հայաստանի տարածքում Թրամփի ուղու շուրջ համագործակցությունը, որը Հայաստանի համար տնտեսական և ներդրումային հեռանկարներ է բացում, նաև՝ խաղաղության խաչմերուկի բաղկացուցիչ մաս է:
«ԱՄՆ-ի հետ միասին մենք հնարավորություն ենք ունենալու Հայաստանի տարածքում մեծագույն ներդրումային պոտենցիալով նախագիծ բերելու: Սա մի բան է, որի մասին երկար ժամանակ խոսել ենք, սա վիթխարի տնտեսական պրոեկտ է՝ մեծ հնարավորություններով»,- հավելել է Կոնջորյանը:
Հայկ Կոնջորյանը կարծում է՝ վերջին պայմանավորվածությունները նպաստելու են վիթխարի միջազգային ներդրումների հոսքին:
«Թրամփի ուղու շուրջ աշխատանքներն անցնելու են Հայաստանի տարածքում՝ ԱՄՆ-ի հետ միասին: Դա մի կոմունիկացիոն պրոեկտ է լինելու, որը դառնալու է տարածաշրջանային հաղորդակցության մասշտաբային պրոեկտի մի մասը:
Շատ է խոսվում միջին միջանցքի մասին, դա խոշոր միջազգային պրոեկտ է, որ Չինաստանից Եվրոպա վիթխարի առևտրաշրջանառություն է ապահովելու: Խաղաղության խամերուկը և Թրամփի ուղին դառնալու է այդ պրոեկտի կարևոր օղակ, որտեղից Հայաստանի համար բացվելու են հսկայական տնտեսական և ֆինանսական հնարավորություններ: Հայաստանի համար հոսելու են միջազգային ներդրումներ:
Պատկերացրեք Հայաստանը՝ ներդրողի աչքում. Հայաստանն ու Ադրբեջանը խաղաղություն են կնքել, տարածաշրջանի սահմանները բացվել են, Հայաստանի տարածքում բացվել է Թրամփի ուղի և մարդիկ, ովքեր ուզում են ներդրումներ անել, Հայաստանը որպես հարմար տարբերակ կդիտարկեն»,- ասել է Կոնջորյանը:
Նա հավելել է, որ այս ամենի իրականացման արդյունքում փոխվելու է կյանքը, փոխվելու են անգամ խնդիրները, Հայաստանը մտածելու է՝ ո՞ր կաազմակերպությանն ընտրի, որ գան ու անեն ինչ-որ աշխատանք, կառուցեն ինչ-որ բան: Կանջորյանի խոսքով՝ Հայաստան են մտնելու միլիարդների ներդրումներ ու քաղաքացիները զգալու են այդ ամենը:
Բաց մի թողեք
Համախմբումը պետք է լինի ոչ միայն «հանունի», այլև «ընդդեմի» շուրջ․ Դավիթ Անանյան
Վաշինգտոնյան համաձայնագիրը պետք է ժողովրդին ներկայացվի. Արամ Ա
Մեծ հաշվով, մենք գործ ունենք Հայաստանը կառավարող ծաղրածուի՞ թե ծանր ապրումների մեջ գտնվող հոգեկան հիվանդի՞ հետ. Զուրաբյան