ԴՕԿ կուսակցությունը դիմել է կուսակիցներին ու ընկերներին

ԴՕԿ կուսակցությունը հայտարարությամբ է հանդես եկել, որում մասնավորապես ասված է.

«Օգոստոսի 29-ին նշանակված է Վարդան Ղուկասյանի վերջին դատական նիստը։ Ինչպես նա նշել է իր ուղերձում, այդ օրը, ժամը 11:00-ին, բոլորս հավաքվում ենք Հայաստանում գտնվող ԱՄՆ դեսպանատան առջև՝ արդար դատավարության պահանջով։

Միաժամանակ, ԱՄՆ-ում բնակվող մեր հայրենակիցներին ևս կոչ ենք անում ներկայանալ դատարանի առջև և բարձրաձայնել նույն պահանջը։ Վեց ամիս շարունակ մեր դիրքորոշումը եղել է և մնում է անփոփոխ՝ արդար դատավարություն և ոչինչ ավելին։

Հարգելի ընկերներ և կուսակիցներ, խնդրում և հորդորում ենք յուրաքանչյուրին պարտադիր ներկայանալ․ ձեր մասնակցությունը վճռորոշ նշանակություն ունի։

Սպասում ենք բոլորիդ՝ օգոստոսի 29-ին, ժամը 11:00-ին»։