Մեծ Բրիտանիայի պաշտպանության հարցերով պետնախարար, Լորդ Վերնոն Քոքերը, իրականացրել է Մեծ Բրիտանիայի պաշտպանության նախարարի առաջին պաշտոնական այցը Հայաստան՝ նշանավորելով երկու երկրների միջև պաշտպանական հարաբերությունների կարևոր փուլ։ Հայտնում են դեսպանությունից։
Այցի ընթացքում պաշտոնապես բացվել է Մեծ Բրիտանիայի առաջին մշտական Պաշտպանության բաժինը Երևանում, ինչը վերահաստատում է ՄԹ-ի երկարաժամկետ հանձնառությունը՝ աջակցելու Հայաստանի անվտանգությանը, ինքնիշխանությանը և պաշտպանական կարողություններին։
Այցի շրջանակում Լորդ Քոքերը հանդիպումներ է ունեցել ՀՀ վարչապետ Նիկոլ Փաշինյանի և պաշտպանության նախարար Սուրեն Պապիկյանի հետ՝ քննարկելու պաշտպանական համագործակցության խորացման, ինչպես նաև պաշտպանության ոլորտի բարեփոխումների և զարգացման հարցերը։
Լորդ Քոքերը նաև հարգանքի տուրք է մատուցել Ծիծեռնակաբերդի հուշահամալիրում և այցելել Վազգեն Սարգսյանի անվան ռազմական ակադեմիա, որտեղ հանդիպել է ակադեմիայի ղեկավար կազմին և Միացյալ Թագավորությունում կրթություն ստացած շրջանավարտներին։
Լորդ Քոքերը նշել է.
«Ուրախ եմ լինել Մեծ Բրիտանիայի առաջին պաշտպանության նախարարը, ով այցելում է Հայաստան և պաշտոնապես բացում մեր մշտական Պաշտպանության բաժինը Երևանում։ Սա ընդգծում է ՄԹ-ի երկարաժամկետ աջակցությունը Հայաստանի ինքնիշխանությանը, անվտանգությանը և պաշտպանական կարողություններին»։
Մեծ Բրիտանիան և Հայաստանը շարժվում են Ռազմավարական գործընկերության ուղղությամբ, որի առանցքային բաղադրիչներից մեկն է պաշտպանական համագործակցությունը։ Համագործակցության ուղղությունները ներառում են ռազմական մասնագիտական կրթությունը, անգլերեն լեզվի ուսուցումը, պաշտպանության ոլորտի բարեփոխումները և ինստիտուցիոնալ դիմակայունության ամրապնդումը։
Բաց մի թողեք
Չեմ մտածում՝ Հայաստանում էդքան «շուն ու շանգյալ» ընտրող կա ․․․
Հեղինակը, հուսանք, զերծ կմնա կեղծ թեզերի տարածումից, հանրային գրառմամբ կհերքի իր թյուրիմացությունը․ ԱԳՆ
Մենք հրավիրում ենք Թուրքիային դառնալու գործընկեր. Ալեն Սիմոնյանի ելույթը Թուրքիայում