Ադրբեջանի նախագահ Իլհամ Ալիևն ընդունել է Իրանի արտաքին գործերի նախարար Սեյեդ Աբբաս Արաղչիի գլխավորած պատվիրակությանը, հայտնում են ադրբեջանական ԶԼՄ-ները։
Ալիևը նշել է, որ երկու երկրների միջև դարավոր հարաբերությունները նշանակալից են, գոհունակություն է հայտնել վերջին շրջանում կապերի ակտիվացման կապակցությամբ, ընդգծել է նաև, որ Իրանի նախագահ Մասուդ Փեզեշկեանի այցն Ադրբեջան, ինչպես նաև այլ բարձրաստիճան պաշտոնյաների փոխադարձ այցելությունները նպաստել են համագործակցության հետագա ընդլայնմանը։ Ադրբեջանի ղեկավարն անդրադարձել է նաև տնտեսական, առևտրային, տրանսպորտային, էներգետիկ և այլ ոլորտներում համագործակցությանը։
Աբբաս Արաղչին իր հերթին ընդգծել է, որ Մասուդ Փեզեշքեանն Իրանի նախագահ ընտրվելուց հետո իրեն հանձնարարել է զարգացնել Ադրբեջանի հետ կապերը։
Զրույցի ընթացքում նրանք մտքեր են փոխանակել փոխադարձ հետաքրքրություն ներկայացնող հարցերի շուրջ։
Հիշեցնենք, որ վերջին շրջանում Բաքվի և Թեհրանի հարաբերությունները որոշակի ճգնաժամ էին ապրում բազմաթիվ, այդ թվում՝ Իրանում Ադրբեջանի դեսպանատան վրա կատարված զինված հարձակման, ինչպես նաև այսպես կոչված «Զանգեզուրի միջանցքի» հարցում Իսլամական հանրապետության կոշտ դիրքորոշման պատճառով։
Բաց մի թողեք
Հիվանդ մարդուն տարել են ոստիկանություն, վախեցրել, ստիպել՝ ցուցմունք տա, թե ընտրակաշառք են տվել. Տեսանյութ
«Խուլիգան, թալանչի», «լիրբ», «գողերի գերդաստան արտադրող», Քոլոյանի կինը որակումներ է տալիս արցախցիներին. Լուսանկար
«Ինչի՞ իմ տունը քանդեցիր». ողբացող մոր ձայնը խլացվեց Անաիդա Գալստյանի կողմից ու Փաշինյանի քարոզարշավի երգ ու պարի ներքո․ Տեսանյութ