Կեղծիք ու ներշնչանք … ահա ինչով է զբաղված իշխանությունն օրնիբուն` անգամ ամանորյա շնորհավորանքների տեսքով:
Բոլոր այն հայրենատեր քաղաքացիներին, ովքեր վրդովված են Փաշինյանի ամանորյա ուղերձից ու Հրապարակի շոուից խորհուրդ կտամ խաղաղ վերաբերվել այդ նախընտրական ճիգերին: Դրանք ուղղված են իրենց փոքրաքանակ էլեկտորատին և տարրական անալիզ անելու անընդունակ մարդկանց: Իսկ մտածելու ունակ մարդիկ հաստատ հասկանում են.
– Ասում է` 22 ամիս զոհ չունենք: Չունենք, որովհետև Ալիև& քոմփանին գիտակցում է, որ իրենց օդուջրի նման հարկավոր է Փաշինյանի վերարտադրությունը, հայտնի չէ 26-ի հունիսից հետո (եթե ՔՊ-ն վերարտադրվի) ինչ կլինի: Եվ Հայաստանի պատմության ընթացքում խաղաղ շրջաններ անցյալում էլ են եղել, 95- 2016 թվերի ողջ միջակայքում, ինչը չխանգարեց, որ 20 թվի սոսկալի պատերազմը լինի: 22 ամիսը շատ կարճ շրջան է խաղաղության մասին հեռուն գնացող հետևություններ անելու համար:
– ինքնություն, ապագա, խաղաղություն («Հայաստանն այսօր պետություն է, քան երբևէ, անվտանգ է, քան երբևէ…») արտահայտություններ անողը երևի երբևէ չի լսել, թե ինչ են ասում Ալիևն ու իր չինովիկները 24| 7 ռեժիմով…Արևմտյան Ադրբեջան, ադրբեջանցիների վերադարձ, հայերին վերջնական դաս տալու ծրագրեր, Սաֆարովի հերոսացում…
-Ադրբեջանի հետ առևտուրը միֆ է: Մեկանգամյա գնացքները փիառի ու կեղծիքի համադրություն են: Տասնյակ տարիներ են պահանջվելու, որ լոգիստիկ սխեմաներ ձևավորվեն և հայկական ապրանքը գնա, կամ`Ադրբեջանով մեզ անհրաժեշտ ապրանքը մտնի Հայաստան:
– Թրամփի մասնակցությամբ ստորագրված փաստաթղթերը լոկ թղթեր են, որից մենք ոչինչ չենք ստանալու և դա միայն մենք չենք ասում` տասնյակ առիթներով Ալիևը և անգամ իրանցիները խոսել են այն մասին, որ Հայաստանը «միջանցք» է տվել, ինչքան էլ ՔՊ-ն հակառակը պնդի:
– «Ոչ մի զիջման չենք գնացել» արտահայտությունը գնացեք ասեք Կիրանցեցիներին, Ջերմուկի, Սիսիանի, Ներքին Հանդի, Սոթքի ու Շուռնուխի բնակիչներին, Գորիս-Կապան ճանապարհով տասնամյակներ երթևեկած հայերին: Սահմանազատման հեքիաթներն էլ պատմեք մտավոր հետամնացներին, որոնք հարց չեն տա, իսկ ինչու՞ մեր հողերը հետ չեն տալիս, գոնե էն հողերը, որոնք պետք է տային էն քարտեզով, որով 4 գյուղ զիջեցիր Ադրբեջանին, ասելով` «մեր տնօրինության տակ կան ադրբեջանական հողեր, Ադրբեջանի տնօրինության տակ էլ` հայկական հողեր»:
– «Հայաստանի Հանրապետությունը մերը չէր, հիմա մերն է», «մենք այսօր ապրում ենք երազանքի մեջ»…սրա հետ միանգամայն համաձայն եմ, եթե «մեր ու մենք» բառերի տեղը գրենք ՔՊ, ամեն ինչ տեղը կընկնի: Ձեր ո՞ր երազանքում կարող էիք պատկերացնել, որ ապրելու եք դղյակներում, ստանալու եք մի քանի միլիոն դրամ աշխատավարձ, պետության հաշվին աշխարհ եք տեսնելու` ամենաթանկ հյուրանոցներում հանգրվանելով, բարձր դասի մեքենաներով շրջելով: Իրոք` երազանքների իրականացում է:
– Տնտեսական աճ, 300 դպրոց-500 մանկապարտեզ, Ակադեմիական քաղաք…8 միլիարդի պետական պարտք վերցրած իշխանությունը պետք է այս տարիներին ՆԱՍԱ ստեղծած լիներ, Մերսեդեսի գործարան, գոնե մի քանի հատ Մետրոյի կայարան կառուցած լիներ, բայց 8 տարում բյուջեն, ռուս-ուկրաինական պատերազմի շնորհիվ ավելացած եկամուտները ուղղակի խժռել է` վերածելով թվանոց աշխատավարձերի իշխանամետ շրջանակների համար: Իսկ էդ մի քանի մանկապարտեզն ու ասֆալտը կրճոններ են, որ նետում են իրենց էլեկտորատին:
– Եվ վերջապես. սրտիկի ցուցադրումը համարյա պետական գերբին հավասարեցրած թիվ 1 պաշտոնյան իր ուղերձն ավարտում է. «26-ը համախմբման ու միասնության տարի է, սիրում եմ բոլորիդ»:
Սա ասում է մի մարդ, որ 25-ին ամեն շաբաթ հայկական մի եկեղեցի է ասպատակել, իր լուծը չընդունած կաթողիկոսին ու հոգևորականներին անխնա վիրավորել, մի քանի օր առաջ կոչ է արել` գնացեք պատարագները խանգարեք, դեկտեմբերի 30-ին քաղաքագիտության դոկտոր է կալանավորել, սրբազաններին էլ պահում է ԱԱԾ «պադվալում», որովհետև…ինքն այդպես է ուզում: Համախմբման ու սիրո շատ յուրօրինակ պատկերացում ունի այս մարդը…
Արմինե Օհանյանի ֆեյսբուքյան էջից
Բաց մի թողեք
Բա որ քո հետից գոռան «նարկոշ» կամ «բառիգ» Արթուր
Սամվել Կարապետյանը՝ իրեն ունեզրկելու հայտարարության մասին
Դուք չեք կարող ԿԸՀ նախագահ լինել