ԱՄՆ փոխնախագահ Ջեյ Դի Վենսը, ելույթ ունենալով «Խաղաղության խորհրդի» առաջին նիստում, շնորհակալություն է հայտնել ՀՀ վարչապետ Նիկոլ Փաշինյանին և Ադրբեջանի նախագահ Իլհամ Ալիևին:
«Մենք երախտապարտ ենք բոլորիդ՝ ձեր գործընկերության համար, մասնավորապես, խոսում եմ Ադրբեջանի նախագահի և Հայաստանի վարչապետի մասին։ Շնորհակալ եմ բոլորիդ, որ ցույց տվեցիք, թե ինչի կարող է հասնել իրական առաջնորդությունը: Երբ դուք մի կողմ եք դնում զենքերը, սպանություններն ու ավերածությունները և ներդրում եք կատարում ձեր ժողովրդի և բարգավաճման մեջ, դա կարող է բերել մեծ նվաճումներ: Շնորհակալություն երկուսիդ էլ արածի համար»,- ասել է Վենսը:
Վաշինգտոնում ընթացող «Խաղաղության խորհրդի» անդրանիկ նիստի ընթացքում ԱՄՆ նախագահ Դոնալդ Թրամփն անդրադարձավ Հայաստան-Ադրբեջան հակամարտության դադարեցմանը և խաղաղության հաստատմանը։
«Նրանք պատերազմել են 30 տարի, բայց հակամարտությունը հաջողվեց կարգավորել 24 ժամում:
Խաղաղություն հաստատվեց երկու կարևոր երկրների միջև: Ես դա երբեք չեմ մոռանա։ Կարծում եմ՝ Հայաստանի և Ադրբեջանի ղեկավարներն ընկերացել են»,- ասաց նա՝ շնորհակալություն հայտնելով ՀՀ վարչապետին և Ադրբեջանի նախագահին։
Ավելի վաղ հայտնել էինք, որ վարչապետ Նիկոլ Փաշինյանը Վաշինգտոնում է՝ մասնակցելու Դոնալդ Թրամփի «Խաղաղության խորհրդի» անդրանիկ նիստին։
Բաց մի թողեք
Ինչ են քննարկել Բիշքեկում ՀՀ վարչապետն ու Ադրբեջանի նախագահը. մանրամասներ. Լուսանկարներ
Պատժից պայմանական վաղաժամկետ ազատվել է 117 դատապարտյալ․ Գալյան
ԱԳՆ և արտերկրում դիվանագիտական ծառայության մարմինների ղեկավարներն այցելել են «Firebird» ԱԲ գործարան. Լուսանկարներ