Մարտի 29-ի գիշերը՝ 5-րդ գիշերը շարունակ, Լենինգրադի մարզը ենթարկվել է անօդաչու թռչող սարքերի հարձակման:
Այս մասին «Տելեգրամ»-ում հայտնել է Լենինգրադի մարզի նահանգապետ Ալեքսանդր Դրոզդենկոն։
Նրա խոսքով՝ անօդաչու թռչող սարքերի հարձակումից վնասվել է Ուստ-Լուգա նավահանգիստը: Այժմ այնտեղ հրդեհ է մարվում: Հարձակման ընթացքում 31 անօդաչու թռչող սարք է խփվել, տուժածներ չկան:
Անօդաչու թռչող սարքերը հարձակվում են Լենինգրադի մարզի վրա արդեն 5 գիշեր անընդմեջ:
Մարտի 23-ի գիշերը անօդաչու սարքերը հարձակվել են Պրիմորսկի նավահանգստի վրա՝ հրդեհ առաջացնելով։ Ուկրաինայի զինված ուժերի գլխավոր շտաբը հաստատել է Պրիմորսկի նավահանգստում գտնվող «Տրանսնեֆտ» նավթային տերմինալի ոչնչացումը, որտեղ վնասվել են տանկային կայանն ու նավթի բեռնման ենթակառուցվածքները։
Մարտի 25-ի գիշերը անօդաչու սարքերը հարվածել են Ուստ-Լուգա նավահանգստին՝ հարձակման վայրում խոշոր հրդեհ առաջացնելով։ Մարտի 27-ին Պրիմորսկի և Ուստ-Լուգա նավահանգիստներում գրանցվել են հետագա հարվածներ և հրդեհներ։
Ուկրաինական անօդաչու սարքերը նախկինում հարձակվել են Ուստ-Լուգա նավահանգստի վրա 2025 թվականին՝ ստիպելով դադարեցնել գործունեությունը, սակայն վերջերս նավահագնստի գործունեություն վերդսկսվել էր:
Reuters-ի տվյալներով՝ Պրիմորսկի նավահանգիստը հարձակումից առաջ կարող էր օրական արտահանել ավելի քան 1 միլիոն բարել հում նավթ և հանդիսանում է ռուսական «Ուրալս» հում նավթի և դիզելային վառելիքի բեռնման կարևոր կետ։
Ուստ-Լուգան կարող է օրական վերամշակել մոտ 700 հազար բարել նավթ։
Բաց մի թողեք
Մեծ Բրիտանիայի լիբերալ դեմոկրատները նոր վերլուծական կենտրոն են ստեղծում
Պեկինը վստահեցրել է, որ թույլ չի տա Մոսկվային օգտագործել միջուկային զենք․ Ֆինլանդիայի նախագահ. Լուսանկար
Շանհայի համագործակցության կազմակերպության առաջնորդները ստորագրել են 28 փաստաթուղթ. Լուսանկար