«Արևմուտքը միշտ ձգտել է մեզ, Ուկրաինային, հետխորհրդային մյուս երկրներին սադրել Ռուսաստանի դեմ, և Վոլոդյա Զելենսկին դա լավ գիտի, ինչպես՝ ես»: Այդ մասին ասել է Բելառուսի նախագահ Ալեքսանդր Լուկաշենկոն:
Նախօրեին Ուկրաինայի նախագահ Վլադիմիր Զելենսկին Զինված ուժերի գլխավոր հրամանատար Սիրսկու զեկույցը լսելուց հետո թելեգրամյան գրառում է կատարել և հրապարակայնացրել ռազմական հետախուզության տեղեկությունները:
Ըստ այդմ, Բելառուսը ուկրաինական սահմանի մոտ զորքերի տեղաշարժ է կատարել, ինչպես նաև «ստեղծել հրետանային կրակի հարթակներ»:
Զելենսկին կանխատեսել է, որ Բելառուսը Ռուսաստանի կողմից պատերազմին ներգրավվելու նախապատրաստություն է տեսնում: Նա վստահեցրել է, որ Ուկրաինան «պատրաստ է պաշտպանել իր սահանները»:
Ուկրաինայի նախագահը զգուշացրել է, որ Բելառուսում կարող է կրկնվել «Վենեսուելայի օրինակը»: ՌԻԱ Նովոստին Զելենսկու թելեգրամյան գրառումը գնահատել է «Բելառուսի դեմ սպառնալիք»:
Այս համատեքստում Արևմուտքի կողմից հետխորհրդային երկրներին «Ռուսաստանի դեմ սադրելու» և դրան «Վոլոդյա Զելենսկու տեղյակ լինելու» մասին Բելառուսի նախագահի դիտարկումը բավական երկիմաստ է:
Լուկաշենկոն իր երկրից Ուկրաինայի դեմ երկրորդ ճակատ բացելու մասին Վլադիմիր Զելենսկու հայտարարությանը ոչ միայն չի հակադարձել, այլև չի անդրադարձել:
Փոխարենը Լուկաշենկոն մեկնաբանել է ԱՄՆ հետ բանակցությունները և ասել, որ «հարկադրված է բազմավեկտոր արտաքին քաղաքականություն իրականացնել, քանի որ դա համապատասխանում է ժողովրդի շահերին»:
Բելառուսի նախագահը հայտարարել է, որ «ինչ բանակցություններ էլ լինեն», ինքը հասկանում է, որ Արևմուտքի «շան վաստակը» չէ: «Նրանք պատրաստ են ինձ ծամել և թքել, ես դա լավ եմ հասկանում»,- ասել է Լուկաշենկոն:
Հայտնի արտահայտությունը՝ «այո, նա շան վաստակ է, բայց մեր շան վաստակն» է, ավանդաբար վերագրվում է ԱՄՆ նախագահ Ռուզվելտին, որ նա թույլ է տվել Նիկարագուայի բռնապետ Սամոսայի հասցեին:
Լուկաշենկոն փաստացի հրապարակայանացրել է, որ Միացյալ Նահանգների հետ բանակցություններ է վարում՝ համոզված լինելով, որ Դոնալդ Թրամփի համար ինքը «ծամելու և թքելու ապրանք» է, բայց ստիպված է:
Դժվար է վստահաբար ասել, որ այդ հայտարարությամբ Լուկաշենկոն բացառելու Ռուսաստանի կողմից Ուկրաինայի դեմ ներգրավվելու հավանականությունը, բայց կոնկրետ իրավիճակում նրա խոսքից նման եզրահանգման կարելի է գալ:
Ավելի վաղ մամուլում տեղեկություն է տարածվել, որ մինչև տարեվերջ Լուկաշենկոն «կայցելի Վաշինգտոն, նրան Սպիտակ տանը կընդունի ԱՄՆ նախագահ Դոնալդ Թրամփը»: Լուկաշենկոյի «անկեղծացման» նախօրեին Ռուսաստանի նախագահի մամուլի քարտուղար Պեսկովը լրագրողներին ասել է, որ Պուտին – Թրամփ հանդիպում «դեռևս չի ծրագրվում»:
Բաց մի թողեք
Մոսկվան պահանջում է ոչ թե Ուկրաինայի սահմանադրության և օրենքների փոփոխություն …
Ադրբեջանը «այլևս արտաքին ազդակներով չի կողմնորոշվո՞ւմ»
Քառասունչորսօրյա պատերազմում հայկական զորքերը «Գերասիմո՞վն է կառավարել»