Ռուսական «Պոբեդա» ավիաընկերության ինքնաթիռը, որը կանոնավոր չվերթ է իրականացնում Մոսկվա-Գյումրի ուղղությամբ, վայրէջքից առաջ մի քանի մանևր է կատարել Հայաստանի օդային տարածքում։
Թռիչքներին հետևող ծառայությունների տվյալների համաձայն՝ Գյումրու օդանավակայանին մոտենալիս օդանավը փոխել է ուղղությունը դեպի Երևան, ինչից հետո որոշ ժամանակ պտտվել է Հայաստանի տարածքում՝ հասնելով գրեթե մինչև Թուրքիայի սահման: Այնուհետև ինքնաթիռը կրկին ուղղություն է վերցրել դեպի Գյումրի, կարճ ժամանակով անհետացել է ռադարներից, ինչից հետո բարեհաջող վայրէջք է կատարել օդանավակայանում:
«Պոբեդա» ավիաընկերությունից «Սպուտնիկ Արմենիա»-ին պարզաբանել են, որ ինքնաթիռի հետագծի փոփոխության պատճառը եղանակային անբարենպաստ պայմաններն են եղել։
«Ամեն ինչ նորմալ է։ Աշխատանքային իրավիճակ է եղել։ Օդերևութաբանական պայմանները հարմար չեն եղել վայրէջք կատարելու համար»,- ասել են ավիաընկերությունից:
Բաց մի թողեք
Մարզպետի աշխատակազմն ի՞նչ հատուկ առաջադրանքներ է կատարել
Փողը շատ է՝ չգիտեն ինչի վրա ծախսեն
Մունդիալ – 2026. Արգենտինայի նախագահը ներկա չի լինի Իսպանիայի դեմ ԱԱ եզրափակչին. նա նշել է պատճառը. Լուսանկար