Այն երկրների քաղաքացիները, որոնց հետ Ղազախստանը ունի երթեւեկության առանց վիզային ռեժիմ, Ղազախստանի տարածք մուտք գործելու համար պետք է ստանան էլեկտրոնային թույլտվություն։
Այս մասին հայտնում են այդ երկրի իշխանությունները։
Մուտքի էլեկտրոնային արտոնությունը ձեւակերպվելու է QazETA (Kazakhstan Electronic Travel Authorization) հարթակի միջոցով, ըստ РИА Новости-ի հաղորդման համաձայն։ Այս տարվա նոյեմբերի մեկից այդ ատոնությունների ստացումը կդառնա պարտադիր պայման նաեւ միջազգային ավիաթռիչքների ուղեւորների համար։
Նոյեմբերի 15-ից արդեն այն կստուգվի նաեւ այն քաղաքացիների համար, ովքեր Ղազախստանի տարածք մտել են ավտոմոբիլային ճանապարհով եւ չեն հանդիսանում ԵԱՏՄ անդամ երկրի քաղաքացի։ Նոյեմբերի 30-ից արդեն նույն պահանջը կտարածվի նաեւ ԵԱՏՄ անդամ պետությունների քաղաքացիների, ներառյալ նաեւ՝ ՀՀ քաղաքացիների համար։
Թույլտվությունը 180 օր ժամկետով է։ Մեկ անգամ ստացած թույտվությամբ՝ անձը կարող է բազմակի անգամներ այցելել Ղազախստան։ Բոլորի համար արտոնության ստացման համար կսահմանվի միասնական վճարման դրույքաչափ։ Ներկայումս ընթանում են նախապատրաստական աշխատանքները։
Բաց մի թողեք
Եվրոպական խորհրդարանը սեպտեմբերի 15-ին կքվեարկի Հայաստանի համար մաքսային արտոնություններ սահմանելու հարցով
Ռուսաստանը փակո՞ւմ է դռները միգրանտների առաջ․ 200 հազար օտարերկրացու մուտքն արգելվել է
Խոջալուում հակահետևակային ականի պայթյունի հետևանքով ականազերծման աշխատակից է վիրավորվել