Հայաստանի կողմից Ռուսաստանի քաղաքացիների համար վիզային ռեժիմ սահմանելու հնարավորությունը կարող է բացասական հետևանքներ ունենալ ոչ միայն ռուսաստանցիների, այլև հենց Հայաստանի համար։
Նման տեսակետ է հայտնել Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան՝ Արևելյան տնտեսական համաժողովի ընթացքում։
Զախարովայի գնահատմամբ՝ եթե Երևանը որոշի սահմանափակումներ կիրառել Ռուսաստանի քաղաքացիների մուտքի համար, ապա այդ քայլը, իր բնորոշմամբ, չի ուղղվի Մոսկվայի դեմ։ Նրա կարծիքով՝ դրա ազդեցությունն առաջին հերթին կզգան Հայաստանի քաղաքացիները։
ՌԴ ԱԳՆ ներկայացուցիչը նշել է, որ վիզային ռեժիմի հնարավոր ներդրումը կարող է խնդիրներ ստեղծել նաև այն ռուսաստանցիների համար, որոնք սերտ կապեր ունեն Հայաստանի հետ։ Խոսքը, մասնավորապես, Ռուսաստանի քաղաքացիների մասին է, որոնց ընտանիքի անդամները կամ այլ հարազատներ բնակվում են Հայաստանում։
Բաց մի թողեք
imID համակարգում խափանում է արձանագրվել. Լուսանկար
Կան հիմքեր՝ կարծելու, որ Ռուսաստանը Հայաստանի ռազմավարական գործընկերը չէ
Սիմուլյանտին տարել են ճիշտ այն տեղը, որտեղ պետք էր, որևէ մեկը չպետք է «պլստա». Փաշինյանը՝ Խաչատրյանի մասին