Հոկտեմբերի 25-ին կկայանան Դիլիջան համայնքի ավագանու համամասնական ընտրակարգով ընտրություններ։
Հրապարակ թերթը գրել է․ Թեև պաշտոնապես թեկնածուների առաջադրում, գրանցում չի կատարվել, սակայն Դիլիջան համայնքի ՔՊ-ական ղեկավար, անձնական գործում իր սեռի վերաբերյալ գրառման մեջ «արու» նշած Դավիթ Սարգսյանը նախընտրական ակտիվ գործընթացի մեջ է:
Նա համայնքի գյուղերում բնակիչների հետ հանդիպումներ է ունենում, Դիլիջանի համայնքապետարանի ինտերնետային էջում և Ֆեյսբուքի իր էջում ներկայացնում է կատարված աշխատանքները։
Դիլիջան համայնքի ղեկավարի այլ թեկնածուներ դեռ ի հայտ չեն եկել։ Դիլիջանում ասում են, որ համայնքի ղեկավար դառնալու ցանկություն ունի նաև Դիլիջանում մսի վաճառքի կետ ունեցող մի գործարար, որը Նիկոլ Փաշինյանի բարեկամի փեսան է: Բարեկամը մահացել է կորոնավիրուսի համաճարակի ժամանակ։
Դիլիջանցիներն ասում են, որ եթե այդ անձը որոշի մասնակցել առաջիկա ընտրություններին, ապա իրենք վատ ընտրության առաջ են կանգնելու՝ նախկինում բենզալցակայանում բենզինի լիցքավորող աշխատած Դավիթ Սարգսյանի և մսավաճառի միջև։
Բաց մի թողեք
Ո՞վ կսպասեր, որ 2 տարի բերդում անցկացրած մարդն այսպիսի հաճույք կստանա մարդկանց կալանավորելուց
ՔՊ-ն կչեղարկի՞ ԵՄ-ին անդամակցության օրենքը
Սկսել ենք հետ գլորվել