Եվրոպական մի շարք երկրներում շարունակվող բողոքի ցույցերն ուղեկցվում են բախումներով, հրդեհներով և շենքերի ավերումներով։ Հոկտեմբերի 17-ի անկարգությունների ընթացքում հատկապես լուրջ վնասներ են արձանագրվել Ֆրանսիայում, Իտալիայում և Ալբանիայում։
Ֆրանսիա, Լիմոժ․ հրդեհվել է 143-ամյա քաղաքապետարանի պատմական շենքը։ Կրակից փլուզվել է տանիքը, իսկ շինությունը զգալի վնասներ է կրել։ Տեղական իշխանությունները կատարվածը որակել են որպես պատմական ժառանգության համար աղետալի կորուստ։
Ֆրանսիա, Լիոն․ հրկիզվել է քաղաքի զբոսաշրջային գրասենյակը։ Մարսելում ցուցարարները ներխուժել են քաղաքապետարանի շենք և պատերը ներկել անարխիստական նշաններով։
Իտալիա, Միլան․ բախումները տեղի են ունեցել աշխարհահռչակ Դուոմոյի տաճարի հարակից հրապարակում և տարածվել դեպի պատմական Գալերիա Վիտորիո Էմանուելե II առևտրային պատկերասրահ։ Ոստիկանությունը արցունքաբեր գազ է կիրառել, խանութները փակվել են, իսկ զբոսաշրջիկները հեռացել են տարածքից։
Ալբանիա, Տիրանա․ հրդեհվել են Կրթության նախարարության շենքը և բանկի մասնաճյուղը, վնասվել են այլ առևտրային օբյեկտներ ու քաղաքային ենթակառուցվածքներ։ Բողոքի մասնակիցները հարձակվել են պետական կառույցների վրա, իսկ ոստիկանությունը կիրառել է արցունքաբեր գազ և ջրցան մեքենաներ։
Ի՞նչ իրավիճակ է հիմա. Հոկտեմբերի 18-ի դրությամբ անկարգությունների հետևանքները շարունակում են մնալ եվրոպական մի շարք քաղաքների օրակարգում։ Ֆրանսիայում հարյուրավոր մարդիկ ձերբակալվել են, իսկ Իտալիայում և Ալբանիայում ոստիկանությունը բախվել է ցուցարարների հետ։ Իշխանությունները փորձում են վերականգնել հասարակական կարգը, մինչդեռ բողոքի շարժումները շարունակվում են։
Ամենամեծ վնասներից մեկը կրել է Ֆրանսիայի Լիմոժ քաղաքի պատմական քաղաքապետարանը, իսկ Լիոնում և Տիրանայում հրդեհվել են հանրային նշանակության շենքեր։
Բաց մի թողեք
Իսրայելցի վերաբնակիչները հարձակվել են եվրոպացի դիվանագետների վրա՝ Հորդանան գետի արևմտյան ափի օկուպացված տարածքներում բռնության աճի ֆոնին
Եվրախորհրդարանի անդամը նշում է, որ Թրամփը Կոնգոյի Դեմոկրատական Հանրապետությունում ԵՄ-ից ավելի արդյունավետ է գործում
Ինչու եվրոպացի առաջնորդները ներկա չեն COP17-ին