Հոկտեմբերի 9-ին Երևանի մանկապատանեկան ստեղծագործության քաղաքային կենտրոնում Հայաստանի պետական սիմֆոնիկ նվագախմբի և «ԿՈՂՔ ԿՈՂՔԻ» ներառական կրթամշակութային հասարակական կազմակերպության միջև ստորագրվել է համագործակցության հուշագիր:
Հուշագիրը ստորագրել են Հայաստանի պետական սիմֆոնիկ նվագախմբի գեղարվեստական ղեկավար, գլխավոր դիրիժոր Սերգեյ Սմբատյանը և «Կողք կողքի» ներառական կրթամշակութային հասարակական կազմակերպության նախագահ Նաիրա Սարգսյանը:
Փաստաթղթի ստորագրմանը ներկա էին Հայաստանի պետական սիմֆոնիկ նվագախմբի տնօրեն Սարգիս Բալբաբյանը, Երևանի մանկապատանեկան ստեղծագործության քաղաքային կենտրոնի տնօրեն Անուշ Սարգսյանը և այլոք:
Կողմերը մեծապես կարևորել են հուշագրի ստորագրումը, որի շրջանակում կիրականացվեն համատեղ մշակութային նախագծեր, որոնք կնպաստեն հաշմանդամություն ունեցող երեխաների ինտեգրմանը հասարակական կյանքի տարբեր ոլորտներում:
Համագործակցության շրջանակում երեխաներին հնարավորություն կընձեռվի հանդես գալ նվագախմբի հետ՝ ներկայացնել իրենց տաղանդը: Փաստաթղթի ստորագրումը միտված է նաև ոգևորելու երեխաներին երաժշտական կրթություն ստանալու ճանապարհին:
Բաց մի թողեք
Երգեհոնի վեհաշունչ շնչառությունը՝ Բախից մինչև Կոմիտաս. Միլկիցա Ռադովանովիչի երաժշտական ճանապարհորդությունը Հայաստանում․ Լուսանկարներ
Պարոնյան թատրոնում կայացավ «Նկարում ենք Լա Լա Լենդ» մյուզիքլի առաջնախաղը. Լուսանկարներ
Գրականության ոլորտում Նոբելյան մրցանակը շնորհվում է կանադացի գրող Էնն Քարսոնին․ Լուսանկար